*अवैध दारू बंदीसाठी पेलोराची नारीशक्ती धडकली राजुरा पोलीस स्टेशनवर : कडक कारवाई न केल्यास तीव्र आंदोलनाचा दिला इशारा*

*अवैध दारू बंदीसाठी पेलोराची नारीशक्ती धडकली राजुरा पोलीस स्टेशनवर : कडक कारवाई न केल्यास तीव्र आंदोलनाचा दिला इशारा*

✍️दिनेश झाडे

चंद्रपूर जिल्हा प्रतिनिधी

राजुरा :-राजुरा तालुक्यातील मौजा पेलोरा येथील महिलांनी सरपंच अरूणा विनोद झाडे, पोलीस पाटील माधुरी खुजे , तंटामुक्त अध्यक्ष वसंता भोयर यांच्या नेतृत्वाखाली पोलीस स्टेशन राजुरा येथे धडक देत गावात सुरू असलेल्या अवैध दारू दुकानांवर कडक कारवाई करण्यात यावी अशी मागणी लावून धरली. गावातील महिलांनी अवैध्य दारू विक्रेता १) बुधाजी चेन्नुरवार २) गणेश टेकाम ३) शोभा टेकाम (सोयाम) ४) पत्रू टेकाम ५) सुनिता गणपती सिडाम ६) इंदिरा आत्राम यांना दारू न विकण्यास वारंवार सूचना देऊन ही त्यांनी दारू विकणे बंद केलेले नाही व शोभा टेकाम नामक महिलेनी अश्लील शिवीगाळ केली. दारू हि पेल्लोरा गावात बाजीराव नगर चौकात विकली जाते. व तिथे लहान मुले, मुली व शाळेत जाणारे विधार्थी ये जा करत असतात. आज महाराष्ट्रात बदलापूरमध्ये बलत्कार झालेली घटना पाहता अशा घटनाना दारूमुळे वाव मिळू शकते. त्यामुळे अवैध दारू विक्रेत्यांवर दोन दिवसात कठोर कार्यवाही करावी अशी मागणी करण्यात आली आहे. अन्यथा तीव्र आंदोलन करण्याचा इशारा ग्रामस्थांनी पोलीस प्रशासनाला दिला आहे.यावेळी पेल्लोराच्या सरपंच अरुणा बिनोद झाडे, पोलीस पाटील माधुरी प्रमोद खुजे, तमुस अध्यक्ष वसंता मारोती भोयर, कृ. उ. बा. स. संचालक विनोद झाडे, नंदकिशोर अडबाले, उज्वला रामदास अडबाले, सींधुबाई गणपत वडस्कर, संध्या बंडु पेंदोर, शशिकला गजानन मडावी, देवकाबाई देरकर, सुरेखा पेंदोर, माधुरी मट्टे, वैशाली टेकाम, कविता टेकाम, रेखा गौरकर, वंदना आत्राम, दिपाली सुरतेकर, रेखा टेकाम, ज्योती मळावी यासह पेल्लोरा येथील महिला मोठय़ा संख्येने उपस्थित होत्या.