शेतकरी विकास विद्यालय मांगली येथे आरओ प्लांटचा उद्घाटन समारंभ संपन्न

विद्यार्थ्यांनी ज्ञान संपादन करण्याबरोबरच कार्यक्षमता, बौद्धिक क्षमता, व्यावहारिकता आदींचा विकास करून स्वत:च्या प्रगतीचा मार्ग मोकळा केला पाहिजे कारण विद्यार्थी हेच भारताचे भविष्य आहे-जयंत कांडपाल

झरी:तालुक्यातील आरसीसीपीएल कंपनी मुकुटबनच्या वतीने शेतकरी विकास विद्यालय मांगली येथे आज शनिवार दिनांक 17 ऑगस्ट रोजी आरओ वॉटर फिल्टर प्लांटचे उद्घाटन करण्यात आले.

या कार्यक्रमाचे प्रमुख पाहुणे म्हणून आर.सी.सी.पी.एल. कंपणीचे आदरणीय जयंत कांडपाल, मुख्य अधिकारी आणि एचआर, श्री ब्रिजमोहन वर्मा, CSK व्यवस्थापक विजय कांबळे; वरिष्ठ कार्यकारी अधिकारी संदीप उरकुडे, शाळेचे अध्यक्ष श्रीकांतजी चामाते, शाळेचे सहसचिव मोरेश्वरजी चामाटे, मांगलीच्या सरपंच सौ रेखाताई ढाले, उपसरपंच शामसुंदर चामाटे, हिरापूरचे सरपंच संतोष पाईलवार व शाळेचे मुख्याध्यापक शशांक मुत्यालवार उपस्थित होते.

 प्रास्ताविक करताना श्री.मूत्यालवार  सरांनी अधिकाऱ्यांचे आभार मानताना मुत्यालावार सरांनी प्रयोगशाळा साहित्य व शाळेसाठी खुल्या नाट्यगृहाची मागणी केली.

कंपनीचे मुख्य अधिकारी श्री.जयंत कांडपाल  विद्यार्थ्यांना संबोधित करताना  म्हणाले की, विद्यार्थ्यांनी ज्ञान संपादन करण्याबरोबरच कार्यक्षमता, बौद्धिक क्षमता, व्यावहारिकता आदींचा विकास करून स्वत:च्या प्रगतीचा मार्ग मोकळा केला पाहिजे कारण विद्यार्थी हेच भारताचे भविष्य आहे.

असे मनोगत व्यक्त करून भविष्यात या शाळेला कंपनीच्या वतीने जेवढे शक्य आहे तेवढे देण्याचा मी नक्कीच प्रयत्न करेन, अशी ग्वाही दिली.या कार्यक्रमाचे सूत्रसंचालन श्री. चित्तलवार सर यांनी केले तर आभार प्रदर्शन नेताजी पारखी सरांनी केले.