झरी तालुक्यातील युवा कवी विशाल तुडमवार ने केले कवितेचे सादरीकरण

यवतमाळ जिल्हा साहित्य संमेलन, कवीकट्टा करीता निमंत्रित कवींच्या कवी संमेलनात केले सादरीकरण

झरी: साहित्य अकॅडमी यवतमाळ द्वारा आयोजित वऱ्हाडी कवी स्व. सुहास राउत व जेष्ठ कवी स्व. अशोक मारावार यांच्या स्मृती प्रित्यर्थ यवतमाळ येथे दुसरे साहित्य संमेलन दिनांक 18 ऑगस्ट 2024 रोजी सहकार व सांस्कृतिक भवन आर्णी रोड, यवतमाळ येथे पार पडले.या साहित्य संमेलनाचे अध्यक्ष गझल गन्धर्व सुधारक कदम यांची उपस्थिती होती तर उदघाटक म्हणून माजी संमेलनाध्यक्ष डॉ मिर्झा रफी अहमद बेग उपस्थित होते.

या साहित्य संमेलनात शंभरहुन अधिक कवींनी सादरीकरण केले.झरी जामनी तालुक्यातील गाडेघाट येथील युवा कवी कु.विशाल तुडशीदास तुडमवार यांनी हे साहित्य संमेलन आपल्या काव्यात्मक शैलीने गाजवून टाकले.कु.विशाल तुडमवार ने 'प्रश्न कुणाला पडला नाही?' या   कवितेचे सादरीकरण केले.ही कविता कवी विशाल तुडमवार यांनी शेतकऱ्याच्या अनुषंगाने लिहिली आहे.कवी विशाल तुळशीदास तुडमवार हा झरी येथील राजीव विज्ञान व वाणिज्य महाविद्यालयाचा विद्यार्थी आहे.तर विशालने मुकुटबन येथील गुरुकुल कॉन्व्हेंट शाळेतून प्राथमिक व माध्यमिक शिक्षण पूर्ण केले. आपल्या अतिशय सुंदर आणि बाणेदार शब्दाने युवा कवी कु.विशाल तुडमवार ने कमी वयातच साहित्य संमेलनात कवितेचे सादरीकरण करून झरी तालुक्याचा मान वाढविला आहे .विशाल चे सर्वच स्तरातून कौतुक करण्यात येत आहे.