पठारपूर येथील शेतकऱ्यांनी विषारी औषध प्राशन करून केली आत्महत्या.

वणी:- तालुक्यातील शेतकऱ्यांच्या  आत्महत्या थाबता थांबेना. ऐन करीच्या दिवशी ३ सप्टेंबर रोजी सायंकाळी सहा वाजेच्या दरम्यान पठारपूर येथील सुनील भाऊराव उलमाले ३५ वर्ष यांनी रहाते घरी विषारी औषध प्राशन करून आत्महत्या केल्याची घटना घडली.

सुनील उलमाले यांनी विषारी औषध प्राशन करताच घरच्या लोकांना माहित होताच त्यांनी त्यांना प्रथम कायर येथील प्राथमिक आरोग्य केंद्रात दाखल केले.प्रकृती गंभीर असल्याने त्यांना पुढील उपचारासाठी वणी येथील ग्रामिण रूग्णालयात रात्री आठ वाजता दाखल केले असता डॉक्टरांनी तपासून त्याला मृत घोषित केले.

सुनील यांच्या कडे चार एकर शेती आहे.त्या सोबत त्यांनी चार एकर शेती ठेक्याने केली होती. सुनील यांनी ऐकाऐकी आत्महत्येचे पाऊल का उचलले हे कळू शकले नाही.

त्यांच्या निधनामुळे पठारपुर गावात शोककळा पसरली आहे. त्यांचे पश्चात पत्नी, दोन लहान मुली व बराच मोठा आप्तपरिवार आहे. पुढील तपास वणी पोलिस करीत आहेत.