वणी आगाराला नविन बसेस त्वरीत द्या - मानवी हक्क सुरक्षा परिषदेचे मुख्यमंत्र्यांना निवेदन.

वणी : यवतमाळ जिल्ह्यात वणी हे गाव महत्वपूर्ण शहर असून, वणी शहर हे वेकोलीच्या खदानी मुळे येथील बाजारपेठ ही मोठ्या प्रमाणात आहे. वणी आगारातील बहुतांश बसेस ह्या संपूर्ण खराब अवस्थेत आहे. बसेस खराब झाल्यामुळे रस्त्यामध्ये कुठेही बंद पडून बसमधील प्रवाशांना नाहक त्रास सहन करावा लागतो.  महिलांना अर्धे तिकीट झाल्यामुळे वणी आगाराचे उत्पन्नही वाढलेले आहे, विद्यार्थीसुद्धा फार मोठ्या प्रमाणात बसने ये- जा करतात. दोन महिन्यानंतर दिवाळी सारखा सण असून प्रवाशांचे येणे-जाणे फार मोठ्या प्रमाणात राहणार वणी आगारात ६ ते ७ बसेसवर ताडपत्री झाकलेली आहे. ह्या ताडपत्री टाकलेल्या बस त्वरीत बंद कराव्या.

 हवामान जर खराब झाले तर प्रवाशांचा जीव हा धोक्यात राहू शकतो तरी ताडपत्री टाकलेल्या बसेस त्वरीत बंद करण्यात याव्या व वणी आगाराला नवीन बसेस त्वरीत उपलब्ध करून देण्यात याव्या. अशा आशयाचे निवेदन उपविभागीय अधिकारी यांना देण्यात आले. यावेळी मानवी हक्क सुरक्षा परिषदेचे अध्यक्ष राजु धावंजेवार, विदर्भ प्रदेश उपाध्यक्ष विकेश पानघाटे, वणी विधानसभा भाऊसाहेब आसुटकर, यवतमाळ जिल्हा सरचिटणीस श्रीकांत हनुमंते, वणी शहर अध्यक्ष अजय चन्ने, सौ. अबिक्षा निब्रड यवतमाळ जिल्हा महिला उपाध्यक्षा, सौ. सुमित्रा गोडे यवतमाळ जिल्हा महिला संपर्क प्रमुख, सौ. सुनिता काळे वणी तालुका महिला अध्यक्षा, व सौ प्रमिला चौधरी वणी शहर अध्यक्षा यावेळी उपस्थित होते.