शेतकरी, शेतमजूरानों आणि तरुण युवकांनो स्वतंत्र विदर्भाच्या आंदोलनात सहभागी व्हा- ॲड मा.वामनराव चटप

राळेगाव (तालुका प्रतिनिधी): विदर्भ राज्य आंदोलन समिती यवतमाळ आणि तालुका पदाधिकारी कार्यकर्ता शेतकरी, युवा, तरुणांची कार्यकर्ता बैठकीचे आयोजन मा.कृष्णराव भोंगाडे जिल्हा अध्यक्ष यांनी आयोजन केले होते या कार्यकर्ता बैठक कार्यक्रमाचे अध्यक्ष मा.ॲड.वामनराव चटप (माजी आमदार) आणि मा.रंजणाताई मामर्डे अध्यक्ष महिला आघाडी विदर्भ राज्य आंदोलन समिती ह्या उपस्थित होत्या 

कार्यक्रमाचे प्रास्ताविक मा.मधुसुदनजी कोवे गुरुजी जिल्हा उपाध्यक्ष विदर्भ राज्य आंदोलन समिती यवतमाळ यांनी केले असता मुख्य विषय १) स्वतंत्र विदर्भ राज्य निर्माण करण्यासाठी तरुणांनी आंदोलनात सहभागी होण्याचे आवाहन केले २) अतिवृष्टीमुळे शेतकऱ्यांचे झालेल्या नुकसानीसाठी शासनाने सरसकट एकरी २५ हजार आर्थिक मदत करावी ३) कोरोणा काळातील विजबिल माफ करण्यात आले पाहिजेत.४) शासनाने शेतकऱ्यांच्या उत्पन्नात वाढ होण्यासाठी शेतीसाठी मोफत विज दिली पाहिजे.

कार्यकर्ता बैठकीत मा.ॲड.वामनराव चटप साहेबांनी मार्गदर्शन करताना यवतमाळ जिल्ह्यातील तमाम शेतकरी शेतमजूर तरुण युवक आणि महिलांनी विदर्भ राज्य आंदोलन समिती च्या आंदोलनात सहभागी होण्याचे आवाहन केले आहे.नवनियुक्त तालुका अध्यक्ष मा.रमेशभाऊ मोते, युवा अध्यक्ष समिरभाऊ शिंदे युवा तालुका संपर्क प्रमुख पवार ,तिखे, शेळके, यांना नियुक्ती पत्र देऊन सन्मानित करण्यात आले आहे

कार्यकर्ता बैठकीत कळंब, राळेगाव, बाभुळगाव, यवतमाळ येथील पदाधिकारी आणि विदर्भवादी कार्यकर्ते सहभागी झाले होते मा.कृष्णाभाऊ भोंगाडे जिल्हा अध्यक्ष मा.मधुसुदनजी कोवे गुरुजी जिल्हा उपाध्यक्ष मा.राजेंद्रभाऊ झोटींग जिल्हा उपाध्यक्ष मा इंदरचंद्रबाबु बैद्य खैरी मा.नानाजी खांदवे बाभुळगाव मा.मनोजभाई चमेडीया यवतमाळ मा.दिक्षाताई नगराळे राळेगाव नितीनजी ठाकरे भास्करराव महाजन कळंब बहुसंख्येने शेतकरी, युवा, विदर्भवादी कार्यकर्ते सहभागी झाले होते