पिकविम्याचे क्लेम दाखल करावे   

 पिकविम्याचे क्लेम दाखल करावे  

राळेगाव तालुका प्रतिनिधी: तालुक्यातील हो पिक विमा गावातील शेतकऱ्यांना लाभ व्हावा यासाठी तहसीलदार रवींद्र कानडजे यांनी स्वतः मौजे मेंगापुर शिवारात पोर्णिमा विजयराव भोंडे गट क्रमांक 31 क्षेत्र एक हेक्टर 29 आर यांच्या शेतामध्ये कृषी सहाय्यक, तलाठी, मंडळाधिकारी, श्री. मोहन कोल्हे, पिक विमा कंपनी प्रतिनिधी यांचेसह भेट देऊन नुकसानीची पाहणी केली. तसेच क्रॉप इन्शुरन्स ॲप मध्ये सदर खातेदाराची पिक विमा क्लेम नोंद करण्यात आली.

यावर्षी राळेगाव तालुक्यात सुमारे 1015 मिलिमीटर पाऊस झालेला असून विविध संघटनांकडून  सोयाबीन कपाशी पिक नुकसानीबाबत निवेदनेही प्राप्त झाली आहेत. या पार्श्वभूमीवर तालुक्यातील नागरिकांना आवाहन करण्यात येते की राळेगाव  तालुक्यातील नागरिकांना आवाहन करण्यात येते की, राळेगाव तालुक्यातील सुमारे 4646 नागरिकांनी सोयाबीनचा पिक विमा काढलेला असून 5296 शेतकऱ्यांनी कपाशीचा पिक विमा काढलेला आहे.

खरीप ज्वारीचा पिक विमा 486 शेतकऱ्यांनी काढलेला आहे. या शेतकऱ्यांना पैकी ज्या शेतकऱ्यांचे पावसामुळे नुकसान झालेले आहे, अशा शेतकऱ्यांनी पिक विमा कंपनीला आपल्या नुकसानीची पूर्वसूचना देणे आवश्यक आहे.

जेणेकरून त्यांना पिक विमाचा लाभ मिळेल. या अनुषंगाने मा. श्री. शैलेशजी काळे उपविभागीय अधिकारी राळेगाव यांनी काल गट विकास अधिकारी, कृषी विभाग आणि पीक विमा कंपनी यांचा आढावा घेऊन नुकसानग्रस्त शेतकऱ्यांनी क्लेम दाखल करावे, असे आवाहन केले आहे. या अनुषंगाने आपण आपल्या गावचे कृषी सहाय्यक संपर्क साधावा. तसेच पिक विमा काढलेल्या शेतकऱ्यांपैकी ज्यांची पिक नुकसान झालेले असेल त्यांनी टोल फ्री क्रमांक 18001035490 वर संपर्क साधावा. क्रॉप इन्शुरन्स या मोबाईल ॲप वरून देखील पूर्वसूचना दाखल करता येईल.

सदर बाबतीत अडचणी आल्यास त्याबाबत  पिक विमा कंपनी चे प्रतिनिधी आणि तालुका कृषी अधिकारी यांच्याशी देखील आपण संपर्क साधू शकता. विशेषतः बँके कडून पीक कर्ज घेणाऱ्या खातेदारांनी याबाबत आपले टोकन आयडी सह आपले नुकसानीची पूर्वसूचना अथवा क्लेम पिक विमा कंपनी किंवा तालुका कृषी विभागाकडे दाखल करावेत. असे आवाहन डॉक्टर रवींद्रकुमार कानडजे, तहसीलदार राळेगाव यांनी केले आहे.