राळेगाव तालुक्यातील नुकत्याच झालेल्या ग्रामपंचायती सार्वत्रिक निवडणुकांचे निकाल आज हाती आले. खैरगाव (कासार) येथे सात सदस्य असलेल्या ग्रामपंचायतीवर वंचित बहुजन आघाडीचे पाच उमेदवार सर्वात जास्त बहुमताने विजयी झाले. प्रशांत धजराजजी लाकडे, सौ. सपना जावळेकर, सौ. सोनाली बोरकर, विजय बोटोने, संजय मुंडाळे या विजयी उमेदवारांचे पुष्पगुच्छ देऊन अभिनंदन करण्यात आले. अभिनंदन करतांना वंचित बहुजन आघाडीचे तालुका अध्यक्ष मा. विकासभाऊ मुन, ता. उपाध्यक्ष मा. धनराजजी लाकडे, सल्लागार प्रमुख डॉ. ओमप्रकाश फुलमाळी, शहर अध्यक्ष मा.दिपकभाऊ आटे, शहर उपाध्यक्ष मा. संतोषभाऊ घनमोडे, ता. उपाध्यक्ष मा. अजयभाऊ दारुंडे, सचिव मा. प्रकाश कळमकर, ता. उपाध्यक्ष मा. राहुलभाऊ उमरे, सर्वांनी विजयी उमेदवारांना मनःपूर्वक शुभेच्छा दिल्या.....
शुभेच्छा देत असतांना सर्व महामानवाच्या विचारांनी प्रेरीत होऊन संपूर्ण मागासवर्गीय, आदिवासी वंचित घटकांनी एकत्रीत येऊन संविधानानी दिलेल्या समता, स्वातंत्र्य, बंधुत्व, धर्मनिरपेक्ष व सार्वभौमत्व समतामुलकतत्व विचारात घेऊन आपला अणि आपल्या गावांचा विकास आपणच करण्याकरीता सर्व वंचित घटकांनी एकत्र येऊन सत्तेची चाबी हातात घ्यावी व अँड. बाळासाहेब आंबेडकर यांचे हात मजबूत करावे असे मत वंचित बहुजनआघाडीचे ता. अध्यक्ष विकासभाऊ मुन यांनी व्यक्त केले. यावेळी सर्व उमेदवारांनी आणि पक्ष कार्यकर्त्यांनी खैरगावासीयांचे आणि मतदारांचे मनःपूर्वक आभार व्यक्त केले.