प्रवीण गायकवाड(राळेगाव तालुका प्रतिनिधी): राळेगाव तालुक्यात विजेचा प्रश्न गंभीर बनला आहे. तब्बल बारा तास वीज गूल होण्याच्या घटना काही गावात घडल्या. बोगस ट्रान्सफार्मर मुळे शेतातील व गावातील वीज जाण्याचे प्रकार वाढले. मनसे ने हा प्रश्न लावून धरला. जिल्हा उपाध्यक्ष शंकर वरघट यांचे नेतृत्वात आधी निवेदन व त्या नंतर आंदोलनाचा इशारा देण्यात आल्या नंतर वीज वितरण विभागाने तातडीने यावर उपाययोजना करण्यात आली. निवेदना नंतर चार ठिकाणी ट्रान्सफार्मर बसविण्यात आले.
राळेगाव तालुक्यातील खैरी, दहेगाव, देवधरी, वरुड या सह विविध गावात थ्री फेज पुरवठा करण्याची तथा नियमित वीज उपलब्ध होण्याची मागणी अनेक शेतकरी गावकऱ्यांची आहे. दहेगाव साऱख्या गावात सलग दहा-दहा तास वीज नसल्याच्या घटना घडलेल्या आहे. दसरा सारखा सण अंधारात घालवण्याची पाळी गावकऱ्यांवर आली. या ठिकाणी नवीन ट्रान्सफार्मर देण्याची मागणी जनता करत आहे. तर दुसरीकडे ज्या गावात नवीन ट्रान्सफार्मर दिले ते ते दोन चार दिवसात निकामी होतं आहे. या बोगस ट्रान्सफार्मर देणाऱ्या ठेकेदारावर कारवाई करण्याची मागणी देखील मनसेच्या वतीने करण्यात आली.
आंदोलनाचा इशारा देण्यात आल्यानंतर वीज वितरण विभागाने या कडे लक्ष दिल्याचे दिसलें. खैरी ला 4 ट्रान्सफार्मर, पिंपरी ला 1 बसविण्यात आले. वरुड (जहांगीर) काही प्रमाणात निकाली निघाला तसेच देवधरी आणि दहेगांव ची समश्या दोन दिवसात निकाली काढण्याचे आस्वासन देण्यात आले. चार ठिकाणी नवीन ट्रान्सफार्मर बसविण्यात आले आहे. जनतेच्या मनातील प्रश्नाला वाचा फोडल्याबद्दल समाधान वेक्त होताना दिसते.
प्रतिक्रिया
दसऱ्या सारखा सण माझ्या शेतकरी, कष्ट्करी बांधवानी अंधारात घालवला. वीज वितरण विभागाचे अव्वा च्या सव्वा बील नियमित येते. तिथे चुका होतं नाही. यांचे लाईनमन सांगूनही येतं नाही. पावसाने सर्वत्र धुमाकूळ घातला आहे.
रात्री-बेरात्री विषारी प्राण्यांचा वावर असतो. जीवाला धोका निर्माण होऊ शकतो. सलग वीज मिळणे हा आमचा हक्क आहे.बोगस ट्रान्सफार्मर हा गंभीर प्रश्न आहे. आमच्या करातून याची खरेदी होते त्या अर्थाने तो आमच्या उत्पनावर पडलेला दरोडा आहे. तालुक्यात या बाबत संतापची भावना असणे स्वाभाविक म्हणावे लागेल. वीज वितरण विभागाशी आमचे काही वाकडे नाही. त्या ठिकाणी कामं करणारे अनेक शेतकऱ्यांचीच मुलं आहेत.
मात्र नियमित वीज मिळली पाहिजे, बोगस ठेकेदारावर कारवाई झाली पाहिजे ही आमची न्याय मागणी आहे. मनसे च्या निवेदना नंतर ट्रान्सफार्मर बसवण्याचे कामं हाती घेण्यात आले. आता विजेचा प्रश्न चिघळू देऊ नका, अन्यथा आम्हाला मनसे स्टाईल ने न्याय मागावा लागेल
-शंकर वरघट
मनसे, जिल्हा उपाध्यक्ष यवतमाळ