अंतरगाव येथे गोवारी समाजाच्या वतीने गोवर्धन पूजा उत्साहात ।। गोमातेचे पूजन

राळेगाव : राळेगाव तालुक्यातील अंतरगाव येथे गोवारी समाजाच्या वतीने दिं २६ ऑक्टोबर २०२२ रोज बुधवार ला दुपारी २:०० वाजता गोवर्धन पूजा व ढाल पूजा मुटवा पूजा मोठ्या उत्साहात साजरी करण्यात आली आहे. यावेळी पूजनला सरपंच प्रवीण येंबडवार ,मेजर गजू ठाकरे,संतोष बिलोरकर,( शिक्षक)महादेव नेहारे गावातील गायकी,शेळकी,यांना नारळ पान देऊन त्यांचा सन्मान करण्यात आला.

अंतरगाव येथे गोवारी समाजाच्या वतीने दरवर्षी प्रमाणे दिवाळीचा पाडवा अर्थात बलिप्रतिपदा म्हणजेच गोवर्धन पूजा पाडव्याच्या दिवशी गाईला लक्ष्मीसारखे सजवितात गायी म्हशीची पूजा करून मिरवणूक काढली जाते ही गोवर्धन पूजेची परंपरा आजही अंतरगाव येथे गोवारी समाजात शेकडो वर्षापासून चालत आलेली आहे या परंपरेनुसार येथील गोवारी समाज ढाल पूजनाचा वारसा आजही पुढे नेत आहेत गोवारी समाजाच्या पारंपारिक व्यवसाय हा गाई राखणे असून गोवारी लोक गाईची भक्तिभावाने पूजाअर्चा करून कृतज्ञता व्यक्त करतात ढाल पूजनाच्या वेळी एका बांबूवर चंदनाच्या लाकडी कोरलेली चार मुखी ढाल लावून मोरपंख व नवीन कापड लावून त्याची विधिवत पूजा केली जाते यावेळी गाईंना चटईवर बसविण्यात येते व त्यानंतर पूजाअर्चा करून गावातून मिरवणूक काढली जाते या मिरवणुकीला गावातील गोंड गोवारी समाजातील पुरुष महिला मोठ्या उत्साहाने सहभागी होत असून यामध्ये विनोद दूधकोळे, श्रीकृष्ण सोनवणे, रामभाऊ वगारहांडे, अजय उईके, अरविंद ठाकरे ,गोलू वगारहांडे, माणिक न्याहारे, रामकृष्ण सोनवणे, उषाताई न्याहारे, सुमन दूधकोहळे, संगीता वगारहांडे, विजय ठाकरे, किसना वगारहांडे, गोपीचंद ढाले सुरज सोनवणे श्रीधर वगारहांडे,तसेच गावातील इतरही समाजबांधव या गायी गोधन पूजेला यावेळी उपस्थित होते