साहित्य सांस्कृतिक अकॅडमी, पुणे कडून उमेश निमकर यांना राष्ट्रीय पुरस्कार

प्रवीण  गायकवाड ( राळेगाव तालुका प्रतिनिधी) साहित्य सांस्कृतिक अकॅडमी, पुणे व इंटरनॅशनल लिटरेचर अँड कल्चरल अकॅडमी दिल्ली च्या वतीने  सामाजिक कार्यात नेहमी अग्रेसर असणारे उमेश निमकर यांना  राष्ट्रीय पुरस्कार दिनांक 6 नोव्हेंबर रोजी एका सोहळ्यात वितरण करण्यात आला. 

यावेळी  सुनील विसपुते हे यावेळी कार्यक्रमाचे अध्यक्ष होते तर डॉ. लिला भेले प्रसिद्ध समाजसेविका , वर्धेचे अतिरिक्त जिल्हाधिकारी नरेंद्र फुलझेले, डॉ. ज्ञानेश्वर  गोरे, प्राचार्य प्रियदर्शन वाकोडे हे यावेळी प्रमुख पाहुणे होते. 

या आधी सुद्धा उमेश निमकर यांना 1991 मध्ये जिल्हा युवा पुरस्कार, तर नेहरू युवा केंद्राच्या वतीने 1993 मध्ये राष्ट्रीय सांस्कृतिक पुरस्कार, विदिशा मध्यप्रदेश येथे मानव संसाधन मंत्रालय केंद्र सरकारचा राष्ट्रीय पातळीवर पुरस्कार तर राज्य पातळीवर अनेक विद्यार्थ्यांना विविध कार्यक्रमांमध्ये पाठविण्याचे महत्वाचे कार्य तसेच सामाजिक बांधिलकी म्हणून विविध उपक्रम राबविण्याचे व सांस्कृतिक कार्यक्रमाच्या माध्यमातून जिल्हास्तरीय राज्यस्तरीय सांस्कृतिक कार्यक्रमाचे आयोजन केले तर भूकंपग्रस्ताना मदत केली व कोरोना काळामध्ये गरजूंना खाद्य वाटप साहित्य वाटप केले असल्यामुळे सदर साहित्य सांस्कृतिक अकॅडमी, पुणे व इंटरनॅशनल लिटरेचर अँड कल्चरल अकॅडमी दिल्ली च्या वतीने  सामाजिक कार्यात नेहमी अग्रेसर असणारे उमेश निमकर यांना   राष्ट्रीय  पुरस्कार मिळाल्यामुळे शैक्षणिक क्षेत्रात आनंद वेक्त करण्यात येत आहे....