आदर्श मंडळाच्या वतीने श्रीराम नवमी निमित्त भव्य शोभायात्रा
✍️ प्रवीण गायकवाड
राळेगाव प्रतिनिधी
राळेगाव:- शहरातील इंदिरा नगर येथील आदर्श दुर्गोत्सव मंडळ व श्रीराम जन्मोत्सव समितीच्या वतीने दिनांक ३० मार्च रोजी सकाळी बाईक रॅली काढण्यात आली तसेच सायंकाळी माँ दुर्गा व प्रभु श्रीराम यांच्या प्रतिमेचे पुजन करून भव्य शोभयात्रेला सुरुवात करण्यात आली.
आंदोरी येथील ढोल ताशा पथकाने प्रत्यक्ष शोभयात्रेला सुरुवात करण्यात आली. या पथकाने संपूर्ण शहरवासीयांचे लक्ष वेधले, या शोभायात्रेत प्रभु श्रीरामाच्या वेशभूषेत जानवी दिलीप लांभाडे,
संयम फिडेल बायदाणी, प्रतिक काका दोडके आणि माता सीतेच्या वेशभूषेत सुहानी दिलीप लांभाडे, बुलबुल राहुल पंडित, प्रज्ञा राऊत आणि लक्ष्मण अमित दिलीप लांभाडे व रामभक्त श्री हनुमान च्या वेशभूषेत हर्षल अनिल राऊत,
रियांश अमोल पंडित या बालगोपालानी अतिशय सुंदर असा पेहराव करून शुभयात्रेत रंगत आणली, ही शोभायात्रा इंदिरा नगर येथील मुख्य मार्गाने जाऊन गांधी ले-आऊट येथे हनुमान मंदिरात या शोभयात्रेचा समारोप करण्यात आला.
यावेळी प्रतिमेचे पुजन व शोभयात्रेला प्रमुख पाहुणे आदिवासी नेते तथा सामाजिक कार्यकर्ते रमेश कन्नाके, राळेगाव नगर पंचायत चे अध्यक्ष रवींद्र शेराम, उपनगराध्यक्ष जानराव गिरी, नगरसेवक कुंदन कांबळे, नगरसेविका कमरूनिस्सा पठाण, फरजाना लाखाणी, रूपा लाखाणी, ॲड फिडेल बायदाणी, विनोद काकडे, विलास मुके, संदीप पेंदोर, विजय वैद्य, बंडुजी महाजन, राळेगाव तालुका पत्रकार संघाचे अध्यक्ष महेश शेंडे, पत्रकार महेश भोयर, मनोहर बोभाटे सह अनेक मान्यवर उपस्थित होते. कार्यक्रमाचे संचालन युसुफअली सैय्यद यांनी तर प्रास्तविक फिरोज लाखाणी यांनी केले.
सामाजिक बांधिलकी कशी जोपासावी? सर्वधर्म समभाव किती महत्त्वपूर्ण
याचं खरं खूप छान प्रदर्शन आदर्श दुर्गोत्सव मंडळ राळेगांव चे प्रमुख फिरोझ सलीमभाई लाखाणी यांनी वेळोवेळी विविध कार्यक्रमा मधून दाखवून दिली आहे हे विशेष..