ओबीसी (VJ,NT,SBC) जातनिहाय जनगणना कृती समिती ची मुकुटबन येथे सभा सम्पन्न

वणी उपविभागीय अधिकारी कार्यालयावर काढण्यात येणाऱ्या ओबीसी (VJ,NT,SBC) च्या एल्गार मोर्चा संदर्भात घेण्यात आली सभा

झरी जामनी: तालुक्यातील मुकुटबन येथील राजराजेश्वर मंदिरात आज रविवार दिनांक 31 डिसेंबर,2023 रोजी ओबीसी (VJ,NT,SBC) जातनिहाय जनगणना कृती समिती वणी,मारेगाव,झरी ची सभा सम्पन्न झाली. 11 फेब्रुवारी 2024 रोजी वणी उपविभागीय अधिकारी कार्यालयावर काढण्यात येणाऱ्या ओबीसी (VJ,NT,SBC) च्या एल्गार मोर्चा संदर्भात ही सदर बैठक घेण्या आली.

मराठ्यांना सरसकट कुणबी प्रमाणपत्र देऊन त्यांचा "ओबीसी" मध्ये समावेश करण्यात येऊ नये. तसेच ओबीसी(VJ,NT,SBC) ची जातनिहाय जनगणना करण्यात यावी.या दोन प्रमुख मागण्यांसाठी वणी येथील उपविभागीय अधिकारी कार्यालयावर  ओबीसी (VJ,NT,SBC) चा एल्गार मोर्चा दि. 11 फेब्रुवारी 2024 ला काढण्याचे निश्चीत झाले आहे, तरी या मोर्चाच्या अनुषंगाने मुकुटबन येथे आज ही सभा घेण्यात आली.झरी जामनी तालुक्यातील जास्तीत जास्त ओबीसी बांधवांनी या मोर्चात सहभागी व्हावे यासाठी योग्य नियोजन करून हा एल्गार मोर्चा यशस्वी करण्यासाठी यावेळी मा मोहन हरडे सरांनी समाज बांधवांना निर्देश दिले. यावेळी ओबीसी जातनिहाय जनगणना कृती समितीचे समन्वयक प्रा.आशिष साबरे, श्री नेताजी पारखी , रफिक कनोजे, प्रा.अनिल टोंगे, सुरेश राजूरकर, विलास चित्तलवार सर, संजय चामाटे सर, तुळशीदास आवारी सर, गणेश बुट्टे सर, राजेश अक्केवार सर, पांडुरंग पंडिले साहेब, शशिकांत नक्षीने, अनिल कुंटावार सर,नारायनजी गोडे, संदीप विच्चू, निमंत्रक श्री मोहन हरडे सर इत्यादी समाज बांधव सभेला उपस्थित होते. सभेचे सूत्रसंचालन आणि प्रास्ताविक प्रा.आशिष साबरे यांनी केले तर आभार प्रदर्शन श्री नेताजी पारखी सर यांनी केले.