वणी येथे ओबिसी चा एल्गार मोर्चा.

वणी:-- ओबिसीची जनगणना करावी,मराठ्यांचा ओबिसी मध्ये समावेश करूनये यासह विविध मागण्यां संदर्भात वणी येथे रविवारी ११ फेब्रुवारी रोजी दुपारी एल्गार मोर्चा काढण्यात आला.

मोर्चा शासकीय मैदानावरून निघून शहरातील मुख्य मार्गावरून निघून शासकीय मैदानावर जाहीर सभेत रूपांतर झाले.

या मोर्चात राजकीय पदांच्या नेत्यांसह,शाळेकरी विद्यार्थी, विद्यार्थीनी, महिला व ओबिसी बांधव हजारोंच्या संख्येने उपस्थित होते.

जाहीर सभेत मंचावर जातीनिहाय जनगणना कृती समितीचे अध्यक्ष प्रदीप बोनगिरवार, अध्यक्षस्थानी होते. तर जनगणना संकल्प यात्रेचे उमेश कोराम, प्राध्यापक अनिल डहाके,ऑड पुरूषोत्तम सातपुते, मुख्य निमंत्रक मोहन हरडे उपस्थित होते.

मुख्य मार्गदर्शक प्रा.डॉ. लक्ष्मण यादव यांनी संबोधित करताना म्हणाले की, देशात  ओबीसीवर सर्वात अधिक अन्याय होत असून आता ओबीसींनी धर्म कांडातून बाहेर पडून जागृत होणे गरजेचे आहे.

त्यासाठी ओबिसींनी आपली कमाई कर्मकांडात खर्च न करता पेन पुस्तकात खर्च करावी.

पुढे बोलताना सांगितले की, ओबीसींवर अन्याय करणाऱ्या व देशाला विकनाऱ्या सरकारला बदलने गरजेचे आहे असे आवाहन त्यांनी केले. आता राम तुम्ही घ्या,व राज्य आम्हाला द्या.अशी ओबीसींची मागणी असायला हवी.

मोर्चा मध्ये आमदार संजिवरेड्डी बोदकुरवार, माजी आमदार विश्र्वास नांदेकर, संजय खाडे, संजय देरकर,ऑड.देविदास काळे, संजय निखाडे,विजय पिदुरकर,प्रमोद वासेकर,टिकाराम कोंगरे,विजय नगराळे, पि.के.टोंगे, शशीकांत नक्षिणे,मंगल तेलंग,रूद्रा कुचणकर, फाल्गुन गोहोकार, शिवराज पेचे,यासह हजारो बांधव उपस्थित होते.