वर्धा नदीत तिन तरूण बुडाले शोध मोहीम सुरू, पाटाळा पुलावरील घटना.

वणी: वणी येथील काही तरूण महाशिवरात्री निमित्त चंद्रपूर जिल्ह्यातील एका स्थळी फिरण्यासाठी गेले होते परत येत असतांना  सायंकाळी पाच वाजेच्या दरम्यान पाटाळा पुलाजवळ थांबून आंघोळीसाठी पुलाचे खाली उतरले असता त्यात तिन तरूण वाहून गेल्याची घटना उघडकीस आली ‌. 

हे तरूण वणी येथील विठ्ठलवाडी परीसरातील रहीवासी असल्याची माहिती मिळाली आहे. संकेत नगराळे, अनिरुद्ध चापले,हर्ष चापले असे वाहून गेलेल्या तरूणाचे नाव आहे.

वणी येथील मित्र पाटाळा पुलाजवळ थांबून नदिमध्ये आंघोळीसाठी उतरले होते. त्यातील एक तरूण पाण्यात बुडत असल्याचे लक्षात येताच इतर मित्र त्याला वाचवण्यासाठी मदत करण्यासाठी गेले असता यात तिघेजण वाहून गेल्याची माहिती आहे.

घटनेची माहिती मिळताच वणी पोलिस व मांजरी पोलिस अधिकाऱ्यां सह घटनास्थळी दाखल होऊन युध्दपातळीवर शोध सुरू आहे. रात्र झाल्यामुळे शोध मोहीमेला अडचण येत आहे. शहरात व परिसरात या घटनेमुळे शोककळा पसरली आहे.