*सणाचे दीवशी शेतकऱ्याने केली विषारी औषध प्राशन करून आत्महत्या*

*सणाचे दीवशी शेतकऱ्याने केली विषारी औषध प्राशन करून आत्महत्या*

✍️रमेश तांबे

वणी तालुका प्रतिनिधी

वणी:-मुकुटबन पोलिस स्टेशनच्या हद्दीत साखरा (दरा) येथील ४४ वर्षीय इसमाने शेतात विषारी औषध प्राशन करून आत्महत्या केल्याची घटना आज दिनांक ९ मार्च रोजी सकाळी उघडकीस आली.सविस्तर वृत्त असे की  तालुक्यातील साखरा ( दरा) येथील रहिवासी वासुदेव किसन नांदेकर ४४ वर्ष असे आत्महत्या करणाऱ्या इसमाचे नाव आहे.वासुदेव नांदेकर हे सकाळी शेतात जाऊन येतो म्हणून घरून निघुन गेले असता त्यांनी शेताच्या शेजारी विषारी औषध प्राशन केले असता शेतातील मजुराला वासुदेव पडून असल्याचे आढळून आल्याने त्यांनी त्यांचा भाऊ राजू यास मोबाईल फोन करून सांगितले की तुझा भाऊ शेतात पडून असल्याचे सांगितले त्यामुळे त्यांचा भाऊ राजू  याने जाऊन पाहीले असता वासुदेव हा जिवंत असल्याने त्याला उपचारासाठी ग्रामीण रुग्णालय वणी येथे दाखल करण्यात आले असता उपचारादरम्यान त्यांचा मृत्यू झाला.वासुदेव यांचे कडे साडेतीन एकर शेती आहे. तो शेती करू कुटुंबाचा उदरनिर्वाह चालवित होता. त्यांनी मुलीच्या लग्नातील मध्यवर्ती बँकेचे कर्ज घेतले होते.यावर्षी शेतीमध्ये उत्पन्न मिळाले नाही.त्यामुळे ते विवंचनेत असायचे असे त्यांच्या भावना सांगितले.ऐन महाशिवरात्री चे दिवशी वासुदेव यांनी आत्महत्या केल्याने साखरा गावात शोककळा पसरली आहे.पुढील तपास मुकुटबन पोलिस करीत आहे.