वणी:- तालुक्यात आत्महत्येचे सत्र सुरूच आहे कोणत्या ना कोणत्या तरी कारणाने शेतकरी, शेतमजूर व बेरोजगार तरुण आपली जिवन यात्रा संपवीत आहे.
अशीच एक घटना काल सायंकाळी उघडकीस आली.वणी तालुक्यातील शेलु (खु.) येथील शेतकरी संदीप गोपीचंद आवारी वय 39 वर्षे रा. सेलु (खुर्द) असे आत्महत्या करणाऱ्या इसमाचे नाव आहे.
सदर मृतक हे आज दिनांक १३/०३/२०२४ रोजी १२/०० वा. सुमारास आपल्या शेतात गेले होते सायंकाळी ०५/०० वाजले असतांना सुद्धा जेवण करण्यासाठी घरी आले नसल्याने नातेवाईकांनी शेतात जाऊन पाहिले असता मृतक हे विषारी औषध प्राशन करून मरण पावलेले दिसले. करीता त्यांनी पोलीस स्टेशन वणी येथे फोन करून माहिती दिल्याने पोलीस हवालदार विकास धडसे व सागर सिडाम यांनी घटनास्थळी जाऊन पंचनामा केला व प्रेतं उत्तरीय तपासणीसाठी ग्रामीण रुग्णालय वणी येथे रवाना करण्यात आला.
संदिप आवारी यांनी आत्महत्या का केली हे कळू शकले नाही.
यांच्या आत्महत्येमुळे गावात शोककळा पसरली आहे.
पुढील तपास वणी पोलिस स्टेशन चे जमादार विकास धडसे हे करीत आहे.