मालमत्ता कर व पाणी करा वरील दंडाची रक्कम माफ करा, वणी शहर सेवादल कॉंग्रेसची मागणी.

वणी:- वणी नगरपरिषदेने या वर्षी दंडाची रक्कम माफ न केल्याने शहरातील कर धारक कर भरण्यास इच्छुक दिसत नाही.

त्या करिता वणी शहर सेवादल कॉंग्रेस कमिटीच्या वतीने आज दिनांक १५ मार्च रोजी मुख्याधिकारी वणी यांना निवेदन देण्यात आले.

निवेदनात म्हटले आहे की, ३१ मार्च आर्थिक वर्ष असल्याने शहरातील करधारक मालमत्ता कर व पाणी कर भरण्यासाठी नगर परिषद येथे येत असताना त्यांना करा वरील दंडाची रक्कम मोठ्या प्रमाणात असल्याने कर धारक दंडाची रक्कम कमी करण्याची विनंती करतो पण नगर परिषदे कडून कमी करण्यात येत नाही.म्हणुन करधारक कर न भरता परत जात आहे.

मागील वर्षी नगरपरिषदेने दंडाची रक्कम १००/ टक्के दंडाची रक्कम माफ करण्यात आली होती. त्यामुळे नगर परिषदेच्या सर्वसाधारण फंडात भरपुर प्रमाणात निधी जमा झाला व नागरिकांनी कर भरण्यास चांगला प्रतिसाद दिला.

त्यामुळे या वर्षी सुध्दा १००/ टक्के दंडाची रक्कम माफ करावी जेणेकरून वणी शहरातील नागरिक मालमत्ता कर व पाणी कर भरुन करमुक्त होईल व नगर परिषदेच्या फंडात ज्यास्तीत जास्त निधी जमा होऊन शहराच्या विकास कामात निधीची तुटवडा  पडणार नाही.