अखेर प्रतिभाताई धानोरकर यांची लोकसभेची कॉंग्रेस पक्षा कडून उमेदवारी जाहीर.

वणी:- महाराष्ट्रातून एकमेव खासदार म्हणून निवडून आलेले कॉंग्रेस पक्षाचे बाळूभाऊ धानोरकर यांच्या मृत्यूनंतर चंद्रपूर-वणी-आर्णी लोकसभा निवडणुकीत कॉंग्रेस पक्षा कडून कुणाला उमेदवारी मिळेल याकडे मतदारांचे लक्ष लागले होते.

कॉंग्रेस पक्षाचे विरोधी पक्षनेते  विजय वडेट्टीवार यांनी उमेदवारी मिळण्यासाठी शर्तीचे प्रयत्न केले.

परंतु शेवटी कॉंग्रेस पक्षाचे राष्ट्रीय सरचिटणीस के.सी.वेणूगोपाल यांनी चंद्रपूर-वणी-आर्णी लोकसभा मतदार संघासाठी प्रतीभा सुरेश धानोरकर यांच्या उमेदवारीची रविवारी सायंकाळी अधिकृत घोषणा केली. २०१९ च्या निवडणुकीत प्रतिभाताई यांचे पती सुरेश धानोरकर यांनी भाजपचे गृहराज्यमंत्री हंसराज अहिर यांचा पराभव केला होता.व महाराष्ट्रातून एकमेव चंद्रपुरची जागा जिंकून कॉंग्रेस पक्षाचे खाते उघडून दिले. कार्यकाळ पूर्ण होण्यापूर्वी बाळूभाऊ धानोरकर यांचे अल्पक्षा आजाराने निधन झाले.यावेळी चंद्रपूर-वणी-आर्णी लोकसभेची कॉंग्रेस पक्षा कडून कुणाला तिकीट मिळणार याची कमालीची उत्सुकता होती.

शेवटी कॉंग्रेस पक्षाने प्रतिभाताई सुरेश धानोरकर यांची उमेदवारी निश्चित केली.

प्रतिभाताई धानोरकर यांची उमेदवारी जाहीर करताच वणी शहरात कॉंग्रेस पक्षाच्या पदाधिकाऱ्यांनी व कार्यकर्त्यांनी छत्रपती शिवाजी महाराज चौकात फटाके फोडून जल्लोष साजरा केला.