*दैनिक बचत अभिकर्ता राजेश पुण्याणी यांचे अपघाती निधन*

*दैनिक बचत अभिकर्ता राजेश पुण्याणी यांचे अपघाती निधन*

✍️रमेश तांबे

वणी तालुका प्रतिनिधी

वणी:-शहरातील विविध पतसंस्थेची दैनिक बचत करणारे राजेश पुण्याणी ५३  हे  वसुली करून मारेगाव येथुन वणी कडे परत येत असतांना गुरूवारी रात्री मांगरुळ जवळ अज्ञात वाहनाने जोरदार धडक दिल्याने अपघात झाला.गंभीर जखमी अवस्थेत त्यांना नागपुर येथील खाजगी रुग्णालयात दाखल केले असता उपचारादरम्यान त्यांचा मृत्यू झाला.राजेश पुण्याणी हे राजुर,मारेगाव वणी, येथे दैनिक  खातेदारां कडून रक्कम जमा करीत होते. गुरूवारी रात्री मारेगाव येथुन वसुली करून वणी कडे दुचाकी वाहनाने परत येत असतांना मांगरूळ गावाजवळ त्यांना फोन आल्याने त्यांनी दुचाकी रोडच्या कडेला उभी करून फोनवर बोलत असताना मागुन येणाऱ्या अज्ञात वाहनाने जोरदार धडक दिल्याने राजेश खाली पडून गंभीर जखमी झाला. गावातील नागरिकांनी प्रथम मारेगाव येथे उपचारासाठी दाखल केले असता प्रकृती गंभीर असल्याने त्याला पुढील उपचारासाठी नागपूर येथे हलविण्यात आले. नागपूर येथील खाजगी रुग्णालयात उपचार सुरू असताना त्याचा उपचारादरम्यान मृत्यू झाला.राजेश हा मनमिळाऊ स्वभावाचा व हसतमुख असल्याने सर्वांच्या परिचयाचा झाला होता. राजेशच्या अकाली जाण्याने मित्र परिवारा सह शहरात हळहळ व्यक्त होत आहे.राजेशच्या पश्चात पत्नी, दोन मुले, भाऊ,वहिणी, व बराच मोठा आप्तपरिवार आहे.