अल्फोर्स स्वर्णलिला मध्ये एकता सांस्कृतिक कार्यक्रमाचे आयोजन.

वणी : अल्फोर्स स्वर्णलीला इंटरनॅशनल स्कूल नांदेपेरा रोड येथे ३० मार्च रोजी सायंकाळी भव्य सांस्कृतिक  कार्यक्रमाचे आयोजन करण्यात आले.

यावेळी या कार्यक्रमाचे उद्घाटन प्रमुख पाहूणे म्हणून  मा.  योगेश डफ शिक्षण उपनिरीक्षक व शिक्षणाधिकारी माध्यमिक शिक्षण विभाग यवतमाळ यांनी आपली उपस्थिती दर्शविली तद्वतच विदयार्थ्यांना व पालकांना मोलाचे मार्गदर्शन केले. अल्फोर्स ऑफ एज्युकेशनल इन्स्टियूट तेलंगणा महाराष्ट्र व स्वर्णलीला इंटरनॅशनल स्कूलचे चेअरमन डॉ. नरेंद्रर रेड्डी सर या कार्यक्रमाचे अध्यक्ष म्हणून उपस्थित होते.

विद्यार्थ्यांनी वर्षभर केलेल्या शैक्षणिक प्रगती बदद्ल गौरविण्यासाठी तसेच त्यांच्या सुप्त गुणांना वाव देण्यासाठी शाळेतर्फे वर्ग ३ ते ९ वी च्या विद्यार्थ्यांसाठी एकता उत्सव गुणवत्तेचा या कार्यक्रमाचे आयोजन करण्यात आले.

तसेच कार्यक्रमात गुणवंत विद्यार्थ्यांचा सत्कार करण्यात आला. त्यामध्ये संगीत वादयांसह विविध गीत- नृत्य सादर करण्यात आले. यावेळी विद्यार्थ्यांनी अप्रतिम नृत्याच्या द्वारे कार्यक्रमा साठी आलेल्या पालकांचे मन मोहून घेतले व उपस्थितांची मने जिंकली विशेष म्हणजे संपूर्ण कार्यक्रमाचे सुत्रसंचालन वर्ग ३ ते ९ वी पर्यंतच्या विद्यार्थ्यांनी केले. या कार्यक्रमाला मोठ्या प्रमाणात पालक तथा त्यांच्या आप्तेष्टांनी उपस्थिती दर्शविली होती.

या कार्यक्रमासाठी शिक्षक, शिक्षकेत्तर कर्मचारी यांचे मोलाचे योगदान होते. संपूर्ण कार्यक्रम प्राचार्या डॉ. सौजन्या मॅडम यांच्या मागदर्शनाखाली पार पडला.