वणी पोलिस स्टेशन येथे शांतता समीतीची बैठक संपन्न.

प्रशासकीय अधिकारी गैरहजर समितीच्या सदस्या मध्ये बैठकीत नाराजी.

वणी:- शहरातील कायदा व सुव्यवस्थेच्या दृष्टीकोनातून आज ३ एप्रिल रोजी सायंकाळी सात वाजता वणीचे ठाणेदार अनिल बेहराणी यांनी पोलिस स्टेशनच्या आवारात या महिन्यात येणारे सण व लोकसभा निवडणुकीच्या संदर्भात शांतता समितीची बैठक आयोजित केली होती.

या बैठकीत शांतता समीतीचे सभासद,व्यापारी संघटनेचे सभासद, महिला दक्षता समितीच्या सभासद, पत्रकार आणि उत्सव समितीचे अध्यक्ष व सभासद यांना आमंत्रित केले होते.

एप्रिल महिन्यात लोकसभा निवडणुक, गुढीपाडवा, रमजान ईद, डॉ.बाबासाहेब आंबेडकर यांची जयंती, रामनवमी, भगवान महावीर जयंती, हनुमान जयंती हे सण साजरे होणार असल्याने वणी शहरात कायदा व सुव्यवस्था अबाधित ठेवण्यासाठी ही बैठक आयोजित करण्यात आली होती.

विशेष या बैठकीत नगरपरिषदेचे मुख्याधिकारी,बांधकाम विभागाचे अधिकारी, तहसीलदार, उपविभागीय अधिकारी, उपविभागीय पोलिस अधिकारी, महावितरण कंपनीने अधिकारी, हे उपस्थित नसल्याने समितीच्या सदस्यांनी नाराजी व्यक्त केली.

कायदा व सुव्यवस्था राखण्याची जबाबदारी ही फक्त पोलिस विभाची आहे का,असा प्रश्न उपस्थित केला होता.

यावेळी नगरपरिषद प्रशासनाचे दुर्लक्ष,शहरातील बेशिस्त वाहतूक, ऑटो चालकांची मुजोरी, रोडवरील अतिक्रमण, मध्यवस्तीमधून अवैध रेती वाहतूक, याबाबत ठाणेदार यांना सुचना दिल्या.

ठाणेदार अनिल बेहराणी यांनी सांगितले की, माझ्या परीने मी वणी शहराची शांतता सुव्यवस्था अबाधित राखण्यासाठी प्रयत्न करेल तसेच महिलांच्या सुरक्षेसाठी मित्र पोलिस देऊ, तसेच गुन्हेगारांची गय केली जाणार नाही.अशी ग्वाही दिली.

यावेळी सण उत्सव समितीचे सदस्य, शांतता समितीचे सदस्य, महिला, पत्रकार मोठ्या संख्येने उपस्थित होते.