लालगुडा येथे तलवारीचा धाक दाखवून दरोडा, रोख व सोन्याचे दागिने असा ८ लाख ८९ हजारांचा मुद्देमाल नेला लुटून.

वणी:- तलवारीचा धाक दाखवून घरी दरोडा टाकुन सोन्याच्या दागिन्यां सह रोख लुटून नेल्याची घटना गुरुवारी मध्यरात्री दोन ते अडीच वाजेच्या दरम्यान लालगुडा येथील पटवारी काॅलनित घडली.

या घटनेमुळे परिसरात एकच खळबळ उडाली. सुभाष वासुदेव पिदूरकर ६१ वर्ष

हे पटवरी कॉलनी येथील रहिवासी आहेत.

ते वेकोली मधुन नुकतेच सेवानिवृत्त झाले असून ते पत्नी व मुलीसह वास्तव्यास आहेत.

काल गुरुवारी रात्री ५ एप्रिल रोजी रात्री घरी झोपले असताना मध्यरात्री दोन ते अडीच वाजेच्या दरम्यान ५ दरोडेखोरांनी दरवाजा तोडून आत प्रवेश केला. दार तोडल्याचा आवाज आल्याने तिघेही जागे झाले. दरोडेखोरांनी तिघांनाही तलवारीचा धाक दाखवून एका जागी बसून ठेवले.

व घरात असलेले सोन्याचे दागिने व रोख रक्कम कुठे ठेवली हे विचारले, त्यावर पिदुरकर यांनी काहीही सांगीतले नसल्याने दरोडेखोरांनी घरातील लोखंडी आलमारी, लॉकर तोडून रोख ४४ हजार रुपये व सोन्याचे दागिने असा ८ लाख ८९ हजार रुपयांचा माल लुटून पळ काढला.

विशेष म्हणजे सुभाष पिदुरकर यांना एक हात नसल्याने ते दरोडेखोरां सोबत प्रतिकार करू शकले नाही.

घाबरलेल्या पिदुरकर परिवारांनी आरडाओरडा केल्याने शेजारी लोक जागे झाले त्यांनी वणी पोलिसांना माहिती दिली.

घटनेची माहिती मिळताच वणी पोलिस घटनास्थळी दाखल झाले.

विशेष पिदुरकर यांच्या घराच्या मागील बाजूस असलेल्या दोन घरा समोर ठेवलेल्या दुचाकी मोटरसायकल त्याच वेळी चोरीला गेल्या, दरोडेखोरांनी तर त्या मोटरसायकल चोरून नेल्या असाव्यात अशी चर्चा परिसरात बोलल्या जात आहे.

वणी पोलिसांनी तक्रारीवरून दरोड्याचा गुन्हा दाखल करून अज्ञात दरोडेखोरांचा शोध घेत आहेत.