गळफास घेऊन इसमाने केली आत्महत्या.

वणी - शिरपूर पोलिस स्टेशन हद्दीतील चिंचोली येथील ४२ वर्षीय इसमाने  गावाशेजारी असलेल्या शेताच्या बांधावरील झाडाला गळफास घेऊन आत्महत्या केल्याची घटना आज दिनांक ५ एप्रिल रोजी सकाळी उघडकीस आली.

गजानन विठुजी सातघरे वय ४२ रा. चिंचोली असे आत्महत्या करणाऱ्या इसमाचे नाव आहे.

पो. स्टे. शिरपुर हद्दीत येत असलेल्या चिंचोली येथील गजानन विठुजी सातघरे यांनी ४ एप्रिलच्या रात्री दरम्यान गाव शेजारी असलेल्या शेताच्या बांधावर एका वॄक्षाला आपल्या दुपट्याच्या सहाय्याने गळफास लावून आपली जीवन यात्रा संपवली.

ही बाब आज सकाळी घरच्या मंडळींना लक्षात आली असता त्यांनी घटणा स्थळांकडे धाव घेऊन तात्काळ पो. स्टे. शिरपुर यांना कळविले पोलीसांनी घटनास्थळी जाऊन पंचनामा करून मृतदेह झाडावरून खाली उतरवुन गजानन चा मृतदेह उत्तरीय तपासणीसाठी ग्रामीण रुग्णालय वणी येथे आज सकाळी दाखल करण्यात आला.  मृतकाचे शव विच्छेदन होवुन मृतदेह नातेवाईकांच्या ताब्यात देण्यात आला. गजानन यांनी आत्महत्या का केली हे कळू शकले नाही.त्याच्या आत्महत्तेमुळे चिंचोली गावात शोककळा पसरली आहे. पुढील तपास शिरपुर पोलिस  करीत आहे.