शिंदोला येथील रहिवाशांनी निवडणुकीवर घातलेला बहिष्कार मागे, उपविभागीय अधिकारी यांना निवेदन.

वणी:- तालुक्यातील शिंदोला येथील रहिवाशांनी येत्या लोकसभेच्या निवडणुकीत एकमताने बहिष्कार टाकला होता.

मात्र याच गावातील काही नागरिकांनी उपविभागीय अधिकारी यांना निवेदन देत मतदानाचा अधिकार हा घटनात्मक अधिकार असल्याने कोणीही मतदाना पासून वंचित राहु नये यासाठी लादण्यात आलेला बहिष्कार मोडीत काढावा, असे आवाहन प्रशासनाला केले आहे.

शिवसेनेचे उपजिल्हाप्रमुख संजय निखाडे यांच्या नेतृत्वात १७ एप्रिल रोजी दुपारी शिंदोला येथील महिला व नागरिक उपस्थित होते.

माहुर देवस्थानाच्या जमिनीचा मुद्दा महत्त्वाचा असुन पिढ्यानपिढ्या येथिल जमीन कसून उपजिविका करणाऱ्या शेतकऱ्यांवर शासन दरबारी न्याय मिळत नसल्याने स्थानिक शेतकरी रास्त भुमिका बजावत होते.

मागील ग्रामपंचायत निवडणुकीत

शिंदोला येथील रहिवाशांनी निवडणुकीवर बहिष्कार टाकला होता.त्यानंतर शासन प्रशासनाने शेतकरी हिताचा कोणताही ठोस निर्णय घेतला नाही.

शिंदोला गावातील ७० टक्के नागरिक मतदानावर बहिष्कार टाकू नये या भुमिकेवर आहेत. पण उर्वरित नागरिक मतदानावर बहिष्कारावर ठाम आहे.मतदानाचा अधिकार हा घटनात्मक अधिकार असल्याने कोणीही मतदाना पासून वंचित राहु नये. याची खबरदारी शासनाने घेणे गरजेचे आहे.

लोकशाही अबाधित राखण्यासाठी शिंदोला येथील रहिवासी मतदानात भाग घेणार असून बहिष्काराला पाठिंबा नसल्याचे  तसेच कोणी दबावतंत्राचा वापर करून नागरिकांना मतदाना पासून वंचित ठेवेल त्यांचेवर कारवाई करावी असे त्यांनी निवेदनातून नमुद केले आहे.