शेतातील बंड्याचे कुलूप तोडून सहा पोते मिरची लंपास, रासा येथील शेतातील घटना.

वणी :- तालुक्यातील रासा शिवारात रस्ता लगत असलेल्या भारत कुमरे यांच्या शेतातील शेत बंड्याचे कुलूप तोडून सहा पोते लाल सुकेलेली मिरची अज्ञात चोरट्यांनी चोरून नेल्याची घटना २५ एप्रिल रोजीच्या रात्री घडली आहे. 

वणी येथे वास्तव्यास असलेले भारत कुमरे यांचे शेत घोंन्सा मार्गावरील रासा शिवारात रस्त्या लगत आहे. त्यांचे शेतात शेती साहित्य ठेवण्यासाठी बंडा बांधलेला आहे. या बंड्यात त्यांनी शेतात लावलेली मिरची तोडून ठेवली होती. मिरची चे बाजार दर घसरल्याने ती मिरची शेतातील बंड्यामध्ये जमा करून ठेवली होती.  परंतु या मिरची वर अज्ञात  चोरट्यांनी २५ एप्रिल च्या रात्री  डल्ला मारल्याने भरत कुमरे यांचे मोठे नुकसान झाले आहे. शेतकऱ्यांनी परिश्रम घेवून पिकवलेले शेतपिक चोरून नेल्याने शेतकऱ्यांचे मनोबल ढासळले आहे. याबाबत अद्यापही कोणतीही कारवाई झाली नसल्याचे कुमरे यांनी सांगितले आहे.