वणी येथे नाट्य व नृत्या द्वारे महाराष्ट्र दिन उत्साहात साजरा, संतांची ही पवित्र भुमी , स्वराज्याचा साज हिचा.

वणी:- महाराष्ट्र राज्याची स्थापना  १ मे १९६० ला झाली. आणि या महाराष्ट्र राज्याच्या पवित्र भूमीमध्ये छत्रपती शिवाजी महाराज यांचा जन्म झाला आणि आम्ही मराठी माणसं मराठी अस्मितेला जपण्यासाठी महाराष्ट्र दिन सांस्कृतिक क्षेत्राच्या माध्यमातून नाट्य व नृत्या द्वारे उत्साहात साजरा करण्यात आला. सागर झेप बहुद्देशीय संस्था वणी  तर्फे  जैताई मंदिरात साजरा करण्यात आला.  या कार्यक्रमाला माजी नगर सेवक राजू तुरानकर, सपोनी, प्रसिद्ध वारली चित्रकार शेखर वांढरे, नाट्य कलावंत अशोक सोनटक्के हे उपस्थित  होते.

  सागर मुने दिग्दर्शित   "पुस्तकाच्या पानातून" हे बाल नाट्य सादर केले. तसेच प्रियंका कोटणाके यांनी मराठी अस्मितेला जपणारे, राज्यातील निवडक गीतांवर व महाराष्ट्र गीतांवर उत्कृष्ट नृत्य  दिग्दर्शित करून सर्व उपस्थित रसिकांचे मन जिंकले. या मध्ये ६ ते १५ वयोगटातील एकूण ३३ मुला मुलींनी नृत्य सादर केले. कार्यक्रमाला प्रसिद्ध सामाजिक कार्यकर्ते, दानशूर व्यक्ती, गरिबांसाठी सतत मदतीला धावणारे, भाजपचे प्रदेश सदस्य व धडाडीचे कार्यकर्ते विजय चोरडिया, मुन्ना महाराज यांच्या हस्ते कलावंतांना सन्मानित करण्यात आले.  या कार्यक्रमाला वणी विधानसभेचे लोकप्रिय आमदार संजिवरेड्डी बोदकुरवार व जैताई देवस्थान यांचे  सहकार्य लाभले.