येत्या हंगामात कर्ज वाटप धोरणात दुरुस्ती करा, जिल्हाधिकारी यांना निवेदन.

वणी:- यवतमाळ जिल्हा मध्यवर्ती सहकारी बँक ही शेतकऱ्यांच्या हक्काची बॅंक असून या बॅंकेचा कर्जपुरवठा गावा गावात सहकारी सोसायटी, संस्था यांच्या माध्यमातून संस्था सभासदांना शेतीचे कर्ज वाटप करण्यात येते.

आर्थिक वर्ष संपल्यानंतर १ एप्रिल नंतर खरीप हंगामात कर्ज वाटपाला सुरुवात होते.परंतु एक महिना लोटुनही बॅंकेचे कर्ज वाटप धोरण उशीरा २२-४-२०२४ ला जाहीर केल्याने उशीर झाला आहे. १५ एप्रिल २०२४ पासुन कर्ज वाटप करावे असे धोरण असुन अजुनही शेतकऱ्यांना कर्ज वाटपास सुरुवात झाली नाही.

कर्ज वाटप धोरणात सहकारी सोसायट्यांनी लावलेल्या या अटी शर्ती अतिशय चुकीच्या असल्याने सहकारी संस्था,कर्जदार शेतकऱ्यांमध्ये तिव्र संताप पसरला आहे. त्यामुळे माजी जिल्हा परिषद सदस्य विजय पिदुरकर यांनी उपविभागीय अधिकारी यांच्या मार्फत जिल्हाधिकारी यवतमाळ यांना निवेदन दिले.

निवेदनात म्हटले आहे की,सहकारी संस्थेच्या अध्यक्ष व संचालक मंडळांच्या विनंती व पाठपुराव्यामुळे शेतकऱ्यांनी ३१ मार्च पुर्वी व नंतर  कर्ज परतफेड केलेली आहे. तसेच थकीत कास्तकारांनी एकमुस्त भरणा योजना लाभ घेतला अशा कर्जधारकांना मागील वर्षी ही नविन कर्जाचा  लाभ देण्यात आला. परंतु नवीन धोरणात यांचा समावेश केला नाही.

बॅंक धोरणात खालील बदल करावे, कर्ज भरणा करणाऱ्या शेतकऱ्यांना वार्षिक प्राधान्य क्रम अट न लावताच सरसकट कर्ज वाटप करावे, ३१ मार्च व नंतर कर्ज भरणाऱ्या सर्व सभासदांना सरसकट कर्ज वाटप करावे,शेती कर्जा व्यतिरिक्त संलग्न कर्ज दुचाकी ईत्यादी कर्ज थकीत असल्यास कर्ज वाटप न  करणे ही अट रद्द करावी, सामाईक क्षेत्र भुधारकांना २०० रुपये स्टॅंपची अट शिथिल करून इकरा वर व स्वयघोषणा पत्र घेऊन वाटप करण्यात यावे, कर्ज मागणी करणाऱ्या शेतकऱ्यांचे वाढीव क्षेत्र विचारात घेऊन कर्ज वाटप करावे.

शासनाने सहकाराच्या माध्यमातून जिल्हा सहकारी बँक व सहकारी संस्था निर्माण करून सुलभ कर्ज मिळावे हे धोरण असतांना बॅंकेच्या नवीन अटी शर्ती परिपत्रका मुळे शेतकरी अडचणीत आला आहे.

१० दिवसाचे आत समस्यांचे निराकरण न झाल्यास शेतकऱ्यांच्या कर्ज पुरवठा या न्याय मागण्यासाठी सहकारी सोसायटी कर्ज धारक सभासदांना सोबत घेऊन बॅंकेच्या  अन्यायी धोरणा विरोधात लोकशाही मार्गाने आंदोलन करण्यात येईल असा इशारा निवेदनातु देण्यात आला.

यावेळी जिल्हा परिषदेचे माजी सदस्य विजय पिदुरकर यांच्या सह अनेक शेतकरी उपस्थित होते.