कुंभा ते बोरी गदाजी रोड सहा महिन्यातच उखरला

रस्त्याच्या गुणवत्तेवर प्रशचिन्ह निर्माण, रस्ते बांधकामात मोठा भ्रष्टाचार झाल्याची शक्यता

मारेगाव: तालुक्यातील कुंभा ते बोरी गदाजी रोड सहा महिन्यातच उखडला असल्याने रस्त्याच्या गुणवत्तेवर प्रशचिन्ह निर्माण झाला आहे तसेच रस्ते बांधकामात मोठा भ्रष्टाचार झाल्याची शक्यता आहे. करणवाडी- कुंभा-बोरी-गदाजी-खैरी या तालुक्यातील महत्वाच्या रोडचे बांधकाम गेल्या 3 वर्षांपासून सुरू होते.या 20 किमी रस्त्याचे अजूनही पूर्ण बांधकाम झाले नाही आहे.जिथे बांधकाम झाले तिथे रस्ता उखरला आहे.

कुंभा ते बोरी गदाजी हा रस्ता बनवून 6 महिने नाही होत तोच हा रस्ता उखरला आहे.तसेच बोरी ते खैरी हा रस्ता सुद्धा उखरला आहे आणि येत्या पावसाळ्यात हा रस्ता पुन्हा खराब होण्याची शक्यता नाकारता येत नाही.जर सहा महिन्यांतच रस्ता उखरला जात असेल तर या रस्त्याची गुणवत्ता अत्यंत ढासळली असल्याचे आढळून येते.सार्वजनिक बांधकाम विभागाने याकडे गांभीर्याने लक्ष देऊन गुणवत्ता पूर्ण नवीन रस्ता बांधून द्यावा अशी स्थानिकांची मागणी आहे.