मोहुर्ली येथे १७ वर्षीय मुलाने केली आत्महत्या.

वणी: तालुक्यातील मोहुर्ली येथे १७ वर्षीय मुलाने गळफास घेऊन आत्महत्या केल्याची घटना आज  मंगळवार दिनांक१८ जूनला सकाळी उघडकीस आली. या  घटनेने संपूर्ण परिवारावर दुखाचे सावट पसरलेआहे

वैभव संजय एरकडे (१७) असे मृतकाचे नाव आहे. तो आपल्या परिवारासह मोहुर्ली येथे वास्तव्यास होता. त्याचे काका व एक मित्र सकाळी गावालगतच्या नाल्या जवळ गेले असता झाडाला गळफास घेतलेल्या अवस्थेत वैभव आढळून आला. या बाबतची वार्ता गावात पसरली, पोलिसांना कळविण्यात आले.

पोलिसांनी घटनास्थळी धाव घेत पंचनामा करून शव उत्तरीय तपासणीसाठी ग्रामीण रुग्णालयात पाठविण्यात आला. त्याने आत्महत्या का केली याचे कारण कळू शकले नाही. पुढील  तपास वणी पोलीस करीत आहेत