*सावली तालुका काँग्रेस कमिटीतर्फे जनसंवाद पदयात्रा पूर्वतयारी नियोजन बैठक संपन्न* *जिल्हा परिषद क्षेत्रानुसार प्रत्येक प्रमुख पदाधिकारी कार्यकर्त्यावर नियोजनाची जबाबदारी*

*सावली तालुका काँग्रेस कमिटीतर्फे जनसंवाद पदयात्रा पूर्वतयारी नियोजन बैठक संपन्न*

जिल्हा परिषद क्षेत्रानुसार प्रत्येक प्रमुख पदाधिकारी कार्यकर्त्यावर नियोजनाची  जबाबदारी

✍️दिनेश झाडे

चंद्रपूर जिल्हा प्रतिनिधी

सावली:-दिनांक २९ ऑगस्ट २०२३

महाराष्ट्र प्रदेश काँग्रेस कमिटीचे प्रांताध्यक्ष मा.नानाभाऊ पटोले यांच्या वतीने राज्यातील सर्व जिल्ह्यात ३ ते १२ सप्टेंबर २०२३ या कालावधीत जनसंवाद यात्रा काढण्याच्या सूचना केल्या आहेत. विरोधी पक्षनेते व माजी मंत्री मा.आमदार.श्री.विजयभाऊ वडेट्टीवार यांच्या आदेशानुसार,  सावली तालुका काँग्रेस कमिटीतर्फे ही यात्रा काढण्याच्या नियोजनासाठी बैठक आयोजित केली होती.

अखिल भारतीय राष्ट्रीय काँग्रेसचे नेते जननायक राहुलजी गांधी यांच्या भारत जोडो पदयात्रेच्या धर्तीवर दि. 3 ते 12 सप्टेंबर 2023 दरम्यान 'जनसंवाद पदयात्रा' चे आयोजन करण्यात येते आहे. ही जनसंवाद पदयात्रा ऐतिहासिक ठरणार असून पदयात्रेच्या माध्यमातून सावली तालुक्यातील जनतेमध्ये केंद्र व राज्य सरकारच्या अन्यायाविरुद्ध जनजागृती करण्याचा काँग्रेसचा संकल्प असून राष्ट्रीय, राज्य पातळी ते स्थानिक पातळीवरील जनसामान्यांच्या प्रश्नांना वाचा फोडणे, शासन पुरस्कृत महागाई, बेरोजगारी, भ्रष्टाचार, अन्याय, अत्याचार व अन्य समस्यांवर जनतेशी संवाद साधून जनभावना जाणून घेणे या पदयात्रेचा उद्देश आहे अशी माहिती सावली तालुका काँग्रेस कमिटीचे अध्यक्ष मा.नितीन गोहणे यांनी दिली.ते पुढे म्हणाले की, ही यात्रा भारत जोडो यात्रेच्या धर्तीवर दररोज किमान 25 किलोमीटरची असेल, या यात्रेचे नियोजन खालील प्रमाणे असेल. पदयात्रेची सुरुवात सकाळी 6 वा. प्रार्थना होईल. सकाळी 6.30 ते 9.30 वा. पदयात्रेचा पहिला टप्पा सुरु होईल. सकाळी 9.30 ते 12 वा. भोजन व विश्रांती असेल, दुपारी 12 ते 2 वा. जाहिर सभा, दुपारी 2 ते 3 वा. विश्रांती, दुपारी 3 ते 4 वा. भेटीगाठी, सायं. 4 ते 7 वा. पदयात्रेचा दुसरा टप्पा पार पडेल, सायं. 7.30 ते 9.30 वा. जाहिर सभा, रात्री. 1.30 ते 10.30 वा. भोजन व रात्री मुक्काम असे एकूण नियोजन असेल. या पदयात्रेत जिल्हा परिषद क्षेत्रानुसार  पदाधिकारी व कार्यकर्त्यांना सहभागी व्हायचे आहे. जनसंवाद पदयात्रा राज्यातील प्रत्येक जिल्ह्यात दि. 3 सप्टेंबर 2013 रोजी सुरु करण्यात येणार आहे. यात्रेची सुरुवात महापुरुष्यांच्या पुतळ्यांना वंदन करून तसेंच ऐतिहासीक स्थळापासून होईल. यात्रेत सावली तालुका काँग्रेसचे  पदाधिकारी, आघाडी संघटना, सेल व विभाग संघटनांचे पदाधिकारी यांचा समावेश असेल. जिल्हा परिषद क्षेत्रानुसार प्रत्येक प्रमुख पदाधिकारी कार्यकर्त्यावर नियोजनाची जबाबदारी देण्यात आली आहे. ही यात्रा लोकभावना जाणून घेण्यासाठी असल्याने यात्रेत महागाई, बेरोजगारी, महिलांवरील अत्याचार, शेतकरी मुद्दे व स्थानिक पातळीवरील जनसामान्यांचे प्रश्न, मुद्यांबाबत लोकांसोबत संवाद साधण्यात येईल.

यावेळी सावली तालुका काँग्रेसचे अध्यक्ष मा.नितीन गोहणे, माजी प.स.सभापती मा.विजय कोरेवार, सावली नगर पंचायतच्या नगराध्यक्ष सौ.लता लाकडे, उपनगराध्यक्ष मा.संदीप पुण्यपकार, सावली तालुका युवक काँग्रेस अध्यक्ष मा.किशोर कारडे, सावली युवक शहराध्यक्ष मा.अमर कोनपत्तीवार,सरपंच संघटनेचे अध्यक्ष मा.पुरषोत्तम चुदरी,न.प.सावलीच्या बांधकाम सभापती सौ.साधना वाढई, महिला व बालकल्याण सभापती सौ.ज्योती शिंदे, व्याहाड खुर्दच्या सरपंच सौ.सुनीता उरकुडे व उपसरपंच सौ.भावना बीके नगरसेवक मा.प्रीतम गेडाम,मा नितेश रस्से,मा.गुणवंत सुरमवार, मा.सचिन सांगिडवार, नगरसेविका सौ.सिमा संतोषवार, प्रियंका रामटेके, तसेच चिचबोडीचे सरपंच मा.सतीश नंदगीरवार, मा.अनिल म्हशाखेत्री,मा.श्रीकांत बहिरवार, मा.खुशाल लोडे,मा.अरुण येरमलवार,मा.दिलीप लटारे,मा.अरविंद भैसारे,मा.शरद कन्नाके, सौ.शिला गुरुनुले मा.सुशील डहलकर, जनसंपर्क कार्यालय प्रमुख मा.कमलेश गेडाम ,मा.नितेश जुवारे, मा.कुसुमाकर वाकडे तसेच तालुका काँग्रेसचे सर्व फ्रंटल ऑर्गनायझेशनचे पदाधिकारी, कार्यकर्त्ते उपस्थित होते.