*अंगनवाडी सेविका व मदतनिस यांना सेवानिवृत्तीचा लाभ तातडीने द्या.* *आमदार सुभाष धोटे यांची महिला व बालकल्याण विभागाकडे मागणी.*

*अंगनवाडी सेविका व मदतनिस यांना सेवानिवृत्तीचा लाभ तातडीने द्या.*

आमदार सुभाष धोटे यांची महिला व बालकल्याण विभागाकडे मागणी.

✍️दिनेश झाडे

चंद्रपूर जिल्हा प्रतिनिधी

राजुरा  :-- चंद्रपूर जिल्ह्यातील  राजुरा, कोरपना, जिवती व गोंडपिपरी तालुक्यातील व जिल्हातील इतर हि तालुक्यामधील अंगनवाडी सेविका व मदतनिस यांचे प्राप्त निवेदनानुसार वयाची 65 वर्ष पुर्ण झाल्यामुळे एकात्मिक बाल विकास सेवा योजना प्रकल्प अतंर्गत अंगनवाडी सेविका व मदतनिस म्हणुन कार्यरत असतांना अनेक अंगनवाडी सेविका व मदतनिस यांना मानधनी पदावरून त्यांचे वयाची 65 वर्ष पूर्ण झाल्याने सेवानिवृत्त करण्यात आले आहे. परंतु आपल्या विभागाकडून अजुनही अनेकांना सेवा निवृत्ती नंतरचा लाभ देण्यात आलेला नाही. यातील काही सेवानिवृत्त कर्मचार्यांना जवळपास पाच वर्षाचा कालावधी पुर्ण होऊनही सेवा निवृत्तीचा लाभ मिळाला नसल्याने सेवानिवृच्या लाभापासून वंचीत आहेत, वृद्धापकाळात त्यांचेवर व कुटूंबीयांवर उपासमारीची वेळ उद्भवलेली आहे. अनेक सेवानिवृत्त कर्मचारी मयत सुद्धा झालेले आहेत. याबाबत मंत्री आयुक्त यांचे कडे अनेकदा पाठपुरा केलेला आहे तसेच विधानसभेत तारांकित प्रश्नांच्या माध्यमातून अनेकदा वृद्धांची अडचण निदर्शनास आणून दिली मात्र अजुनहि सेवानिवृत्त वृद्ध महिलांना न्याय मिळाला नाही सेवानिवृत्ती नंतरचा चा लाभ विमा कंपनी कडून देण्यात येत असल्याने तो मिळण्यास फार विलंब होत आहे त्यामुळे वृद्ध महिलांमध्ये शासनाचे धोरनाप्रती तीव्र असंतोष व्यक्त केला जात आहे. विमा कंपनी सोबत झालेला करार रद्द करून सेवानिवृत्त महिलांना लाभांश अदा करण्याचे अधिकार जिल्हापरिषद स्तरावर देण्यात यावे. चंद्रपूर जिल्हातील १४९ सेवानिवृत्त, ८६ मय्यत ३४ राजीनामा व ५४ NFT Return असे एकूण ३२३ प्रलंबित सेवानिवृत्त कर्मचाऱ्यांचे देयक तातडीने अदा करण्याचे निर्देश संबंधीताना देण्यात यावे अशी मागणी आमदार सुभाष धोटे यांनी राज्याचे महिला व बाल विकास विभागाचे प्रधान सचिव अनुप कुमार यादव यांच्याकडे निवेदनाद्वारे केली आहे.