घुग्घुस येथे वर्धा नदीत बुडालेला युवकाचा मृतदेह आढळला

घुग्घुस-वणी मार्गावरील वर्धा नदीत बुधवार, २१ फेब्रुवारी रोजी सकाळी ९ वाजता युवकाचा मृतदेह तरंगतांना आढळला.

आकाश स्वामी उरा ( १७ रा. शास्त्रीनगर, घुग्घुस) हा युवक सोमवार, १९ फेब्रुवारी रोजी गॅरेज मध्ये गेला व ग्राहकाचे वाहन घेऊन दुपारी ३ वाजता वर्धा नदीच्या पुलाकडे गेला व नदीत उडी घेतली.

त्याच्या कुटुंबियांनी पोलिस ठाण्यात याबाबत माहिती दिली. पोलिसांनी मासेमारी करणाऱ्यांना सोबत घेऊन शोध मोहीम राबविली परंतु मृतदेहाचा शोध लागला नाही.

घुग्घुसचे प्रभारी ठाणेदार प्रशांत साखरे यांनी बुधवारला चंद्रपूर येथून बचाव पथकास पाचारण केले. सकाळी ९ वाजताच्या सुमारास मृतदेह तरंगतांना दिसला. पोलिसांनी पंचनामा करून मृतदेह शवविच्छेदना साठी पाठविला. आत्महत्येचे कारण कळू शकले नाही. पोलिसांनी मर्ग दाखल केला असून पुढील तपास पोलिस करीत आहे.