*तब्बल १० वर्षांनी काँग्रेसच्या उमेदवाराने जिंकली गडचिरोली लोकसभेची जागा* *काँग्रेस पक्षाचे डॉ.नामदेवराव किरसाण १ लाख ४० हजार २३४ मतांनी विजय*

*तब्बल १० वर्षांनी काँग्रेसच्या उमेदवाराने जिंकली गडचिरोली लोकसभेची जागा*

काँग्रेस पक्षाचे डॉ.नामदेवराव किरसाण १ लाख ४० हजार २३४ मतांनी विजय

✍️दिनेश झाडे

चंद्रपूर जिल्हा प्रतिनिधी

सावली:-लोकसभा निवडणुक २०२४ मध्ये आज झालेल्या ४ जून रोजी झालेल्या मतगणनेच्या दिवशी गडचिरोली-चिमूर लोकसभा क्षेत्र येथे महाविकास आघाडी चे उमेदवार डॉ. नामदेव किरसान हे १ लाख ४० हजार २३४ मतांनी विजयी झालेले आहेत.डॉ नामदेव किरसान यांनी महायुतीचे उमेदवार अशोक नेते यांचा जवळपास १ लाख ४० हजार २३४ मतांनी पराभव केलेला आहे.12 गडचिरोली- चिमुर (अ.ज.) लोकसभा मतदारसंघ निवडणूकीत इंडियन नॅशनल काँग्रेसचे डॉ. नामदेवराव किरसान हे विजयी झाले आहेत. त्यांना एकूण 6 लाख 17 हजार 792 मते प्राप्त झाली. जिल्हाधिकारी तथा निवडणूक निर्णय अधिकारी संजय दैने यांनी हा निकाल जाहिर केला. डॉ. किरसान यांना निवडणूक निर्णय अधिकाऱ्यांच्या हस्ते प्रमाणपत्र देण्यात आले. जिल्हा परिषदेच्या मुख्य कार्यकारी अधिकारी आयुषी सिंह यावेळी उपस्थित होत्या.शासकीय कृषी महाविद्यालयात मतमोजणी प्रक्रिया झाली. अन्य उमेदवारांना प्राप्त मते अशोक नेते, भारतीय जनता पार्टी (476096), योगेश गोन्नाडे, बहुजन समाज पार्टी (19055), धीरज शेडमागे, जनसेवा गोंडवाना पार्टी (2174), बारीकराव मडावी, बहुजन रिपब्लीकन सोशालिस्ट पार्टी (2555), सुहास कुमरे, भीमसेना (2872), हितेश पांडूरंग मडावी, वंचित बहुजन आघाडी (15922), करण सयाम, अपक्ष (2789), विलास कोडापे, अपक्ष (4402), विनोद मडावी, अपक्ष (6126), नोटा (16714). एकूण वैध मते 11 लाख 66 हजार 497 अनुक्रमे मते घेतली आहेत.आज झालेल्या मतमोजणीत सुरुवातीपासूनच मतांची आघाडी घेतलेल्या नामदेव किरसान यांनी कुठेही पिछाडी झाली नाही व जवळपास पूर्ण मतमोजणी च्या फेऱ्या पूर्ण होत पर्यंत आपले मताधिक्य कायम ठेवले. व आपला विजय पूर्ण केला.

*कार्यकर्त्यांच्या जल्लोष व विजयी रॅली*

गडचिरोली चिमूर लोकसभा क्षेत्रातून डॉ. नामदेव किरसान हे विजय झाल्याने क्षेत्रातील पदाधिकारी व कार्यकर्त्यांनी गडचिरोली शहरात भव्य फटाक्यांची आतिषबाजी व रॅली काढून जल्लोष साजरा केला.

*गडचिरोली भाजपा कार्यालयात शुकशुकाट*

रोज गजबजलेल्या भारतीय जनता पार्टीच्या चामोर्शी रोडवरील कार्यालयात आज अशोक नेतेंच्या दारुण पराभवाने झाल्याने शुकशुकाट पसरला होता.