पिकविमा नेमका कुणासाठी शेतकऱ्यांसाठी का विमा कंपनी साठी ?

नंदू  गट्टूवार यांचा मुख्यमंत्र्यांना निवेदनाद्वारे सवाल

       चंद्रपूर :  राज्यातील शेतकऱ्यांना पीक विम्याचे कवच देण्याच्या नावाखाली खासगी विमा कंपन्या कसे मालामाल हे पुन्हा सिद्ध झालेले आहेत. 2020 ते 21 या वर्षातील नुकत्याच असलेल्या आकडेवारीनुसार जवळपास पाच हजार कोटीचा नफा झालेला आहे असे आकडेवारीनुसार स्पष्ट होत आहे त्याची आकडेवारी पुढीलप्रमाणे 1.19 कोटी शेतकरी या योजनेत सहभागी, 64.85 लाख हेक्टर संरक्षित क्षेत्र वसूल विमा हप्ता 5801 कोटी, फक्त 12.30 लाख शेतकऱ्यांना नुकसान भरपाई त्यात नुकसान भरपाई म्हणून फक्त 823 कोटी रुपये वाटप व विमा कंपनीला झालेला फायदा एकूण सर्वसामान्य शेतकऱ्यांना तर आश्चर्याचा धक्का बसेल 4969 कोटी रुपये विमा कंपनीला झालेला फायदा आहे हे सर्व आकडेवारी पाहून प्रधानमंत्री पिक विमा योजना नक्की शेतकऱ्यांसाठी आहे की  पिक विमा कंपन्यांसाठी असा प्रश्न राष्ट्रीय बजरंग दल नेता नंदू गट्टूवार यांनी मुख्यमंत्र्यांना पाठवलेल्या निवेदनात उपस्थित केला आहे. 
      आज घडीला प्रत्येक जिल्ह्यात अनेक शेतकरी असे आहेत की ज्यांचे नुकसान होऊन देखील त्यांना नुकसान भरपाई मिळाली नाही याबद्दल कोणतेही आवाज उठवला तरी काही फरक पडत नाही कारण जाचक अटी  ठेवल्यामुळे प्रशासनाच्या देखील हातात काही नाही ते नियमाप्रमाणे जे काही मदत करता येईल ते करत असतात पण  शेतकऱ्यांना नुकसान भरपाई मिळत नाही त्यामुळे केंद्र सरकारने यातील जाचक अटी रद्द करून प्रधानमंत्री पिक विमा योजना शेतकऱ्यांसाठी राबवली पाहिजे न की पिक विमा कंपन्यांसाठी राज्य सरकारने देखील यासाठी पाठपुरावा करणे गरजेचे आहे