*चरणदास इंगोले यांच्या प्रयत्नामुळे बौद्ध महिलेला* *मिळाला तात्काळ न्याय*

*चरणदास इंगोले यांच्या प्रयत्नामुळे बौद्ध महिलेला*

मिळाला तात्काळ न्याय

 ✍️मुनिश्वर बोरकर

    गडचिरोली

अमरावती:-चांदुर रेल्वे तालुक्यातील किरजवळा या गावातील बौद्ध महिला शारदाबाई भगवंत मोहोड या महिलेस डॉक्टर बाबासाहेब आंबेडकर कृषी स्वाभिमान योजना अंतर्गत विहीर मंजूर होऊन देखील गेल्या दीड वर्षापासून चांदुर रेल्वे पंचायत समितीचे संबंधित अधिकारी विहिरीचे  खोदकाम करण्यास टाळाटाळ करीत होते अखेर ही बाब पात्र लाभार्थी महिलेच्या मुलाने आठ दिवसापूर्वी पीपल्स रिपब्लिकन पार्टीचे महाराष्ट्र प्रदेश कार्याध्यक्ष चरणदासजी इंगोले यांच्याकडे लेखी तक्रार केली या तक्रारीवरून लगेच चरणदासजी इंगोले यांनी अमरावती जिल्हा परिषदेचे मुख्य कार्यपालन अधिकारी यांची भेट घेऊन सदर महिलेवर होत असलेला अन्याय त्यांच्या निदर्शनास आणून दिला.त्यावेळी सीईओ यांनी तातडीने दखल घेऊन पंचायत समिती अधिकाऱ्यांना तीन दिवसात अहवाल मागितला .

सीइओ कडून दखल घेताच दुसऱ्या दिवशी पंचायत समितीच्या संबंधित अधिकाऱ्याने लाभार्थीच्या मुलाला निरोप पाठवून विहिरीचे खोदकाम करण्याचे सांगितले गेले यावरून आज दिनांक 4 मे 2023 रोजी दुपारी 2 वाजता लाभार्थीच्या शेतामध्ये प्रत्यक्ष जाऊन पंचायत समितीचे सहाय्यक अभियंता एस .बी.जाधव यांच्या उपस्थितीत चरणदासजी इंगोले यांच्या हस्ते विहिरीच्या खोदकामाची भूमिपूजन करण्यात आले.

दीड वर्षापासून रखडलेले विहिरीचे प्रकरण तीन दिवसात चरणदासजी इंगोले यांनी मार्गी लावून  न्याय मिळवून दिल्याबद्दल लाभार्थी मोहोड परिवाराने आनंद व्यक्त केला या भूमिपूजनाच्या वेळी सामाजिक कार्यकर्ते सुनील ढोकणे रोशन मोहोड उपस्थित होते.