कृषीदुतांनी केले दुग्ध व्यवसायिकांना मार्गदर्शन...

डॉ. पंजाबराव देशमुख कृषी महाविद्यापीठांतर्गत

 भारतीय वार्ता प्रतिनिधी :  मनोहरभाई पटेल कृषी महाविद्यालयाचे कृषिदुत शशांक बिसेन,ललित ब्राम्हणकर ,श्याम चाफले ,पंकज चंदनखेडे, सागर डाफ यांचे ग्रामीण कार्यानुभव व कृषी औद्योगिक कार्यक्रम 2023_24 अंतर्गत अन्नप्रक्रिया आणि अन्न साठवणूक पद्धती या विषयाचे दुग्ध व्यवसायिकांना मार्गदर्शन केले.यावेळी या विद्यार्थांनी मार्गदर्शन करतांना दुधाचे वेगवेगळे पदार्थ तयार करण्याची माहिती दिली.यात विद्यार्थांनी बासुंदी बनवण्याचे प्रात्यक्षिक करून दाखवले. 

दुधाचा व्यवसाय करणाऱ्या शेतकऱ्यांची दूध प्रक्रिया व दुग्धजन्य पदार्थ तयार करणे का गरजेचे आहे व त्याची साठवणूक कशाप्रकारे करावी याची माहिती दिली.शाश्वत आर्थिक उत्पादनासाठी प्रक्रिया उद्योगातून कृषिमालाचे मूल्य वाढवणे गरजेचे आहे . केवळ उत्पादन करणे महत्वाचे नसून स्पर्धेच्या युगात टिकून राहण्यासाठी आणि व्यवसाय वाढीसाठी अन्न प्रक्रिया करणे गरजेचे आहे हे सांगण्यात आले.या प्रात्याक्षिकांसाठी महाविद्यालयातील ' पशुसंवर्धन आणि दुग्धशास्त्र ' विषयाचे विषयतज्ञ प्रा. डी. डब्लू . चांदेवार सर यांचे मार्गदर्शन लाभले . तसेच महाविद्यालयाचे प्राचार्य डॉ. एस .सी.अवताडे, रावे प्रमुख आर. आर . कोवे,  कार्यक्रम अधिकारी डी. डब्लू . चांदेवार सर आणि महाविद्यालयाचे इतर प्राध्यापक वर्ग यांचे मोलाचे मार्गदर्शन लाभले.