*पीरिपा ' मुख्यमंत्र्यांच्या शिवसेना सोबत जाणार. तत्व नव्हे आम्ही राजकीय मार्ग बदलला: प्रा. जोगेंद्र कवाडे*

*पीरिपा ' मुख्यमंत्र्यांच्या शिवसेना सोबत जाणार. तत्व नव्हे आम्ही राजकीय मार्ग बदलला: प्रा. जोगेंद्र कवाडे*

  ✍️मुनिश्वर बोरकर गडचिरोली.

गडचिरोली:-पीपल्स रिपब्लिकन पार्टी (पीरिपा ) मुख्यमंत्री एकनाथ शिंदे सोबत असलो तरी आम्ही फक्त राजकीय मार्ग बदलला आहे. आम्ही आमचे तत्व बदलवू शकत नाही. शिंदे हे संविधानवादी असल्यामुळे आम्ही हा निर्णय घेतला अशी माहीती पिपल्स रिपब्लिकन पार्टी चे राष्ट्रीय अध्यक्ष प्रा. जोगेंद्र कवाडे यांनी दिली. प्रा. कवाडे म्हणाले की महायुतीत भाजपा , शिंदे गट , व अजीत पवारांची राष्ट्रवादी काँग्रेस यांच्यासोबत आमची पीपल्स रिपब्लिकन पार्टी , महादेव जनकरांचा राष्ट्रीय समाज पक्ष व नवनित राणाही आहेत. नुकतीच मंत्री दादा भुसे यांच्या निवासस्थानी महायुतीची बैठक झाली. त्यात जागा वाटपावर चर्चा झाली. महायुतीत आमचा पक्ष लोकसभेच्या दोन जागा लढविणार असुन विधानसभेच्या २१ जागा लढविण्याचा आमचा निर्णय आहे. यावर निर्णय होईलच अशी आमची अपेक्षा आहे. लवकरच शिव शक्तीशक्ती- भिमशक्ती आर्शीवाद यात्रा संपुर्ण महाराष्ट्राभर फिरुन प्रबोधन करणार आहोत. डॉ. बाबासाहेब आंबेडकर मराठवाडा विद्यापीठ नामांतरात शहीद झालेल्याचे स्मारक उभारण्याचे नियोजन केले आहे. सदर काम लवकरच सुरू करणार आहोत. शुशीलकुमार शिंदे मुख्यमंत्री असताना अनुसुचित जातीच्या लोकांना नोकर्यावरील अनुशेष ताबडतोब भरून काढावा अशी मागणीही प्रा. जोगेंद्र कवाडे यांनी केली.