*हत्तींचे संगोपण करण्यास वनविभाग अपयशी. दिलीप मोटवाणी: राष्ट्रवादी*

*हत्तींचे संगोपण करण्यास वनविभाग अपयशी. दिलीप मोटवाणी: राष्ट्रवादी*

✍️भुवण बोरकर आरमोरी

गडचिरोली:-आरमोरी वन परिक्षेत्र पळसगांव क्षेत्रात गेल्या आठ ते दहा दिवश हत्तीचा कळपाने धुमाकुळ घातला आहे. हत्तीच्या कळपाने अनेक शेतकऱ्यांचे नुकसान केले आहे तर जिवित हानी सुद्धा होत आहे. याकडे आरमोरी वनविभागाचे दुर्लक्ष होत आहे. अनेकदा शेतकरी व सामाजीक कार्यकर्त्यांनी वनविभागाला निवेदन देऊनही याकडे वनविभागाचे दुर्लक्ष होत आहे. वनविभाग आरमोरी यांनी झालेली जिवित हानी व शेतकर्यांचे झालेले नुकसानीची चौकशी करून शासनाला अहवाल सादर करावा कारण नुकसान झालेल्या शेतकऱ्यांना व जिवित हानी झालेल्या कुंटुबियांना कसल्याच प्रकारची माहीती झाली नाही. तेव्हा संबंधितानी योग्य चौकशी करून शासनाकडे अहवाल सादर करावा अशी मागणी राष्टवादी कांग्रेस पार्टीचे जिल्हा उपाध्यक्ष दिलीप मोटवाणी यांनी केलेली आहे. कौशल्या रमाकांत मंडल हिला हत्तीच्या कळपाने जिवंत ठार मारले सदर महिलेच्या कुटुंबियांनी वनविभाग आरमोरी यांना भेटून पो. स्टेशन आरमोरी याचेकडे तक्रारही केलेली आहे. परंतु सदर कुटुंबियांना कोणत्याच प्रकारची आर्थिक मदत मिळाली नाही. सदर कुटुंबिय व नुकसानग्रस्त शेतकरी तक्रार घेवून राष्ट्रवादी कांग्रेसचे जिल्हा उपाध्यक्ष दिलीप मोटवाणी यांचेकडे मागणी करीत आहेत. दिलीप मोटवाणी ' सुनिल नंदनवार , लालानी साहेब , भुवन बोरकर आदिनी सदर कुटुबिया ची कैफियत ऐकून मंत्री धर्मराव बाबा आत्राम यांचेकडे निवेदन सादर केले. तरी सदर गंभीर बाबीकडे वनविभागाने लक्ष देवून मंडल कुटुंबियांना आर्थिक नुकसान भरपाई त्वरीत घ्यावी अशी मागणीही राष्ट्रवादी कांग्रेस पार्टीच्या कार्यकर्त्यानी केलेली आहे.