*संत जीवनदास महाराज यांची पुण्यतिथि महोत्सव साजरी*

*संत जीवनदास महाराज यांची पुण्यतिथि महोत्सव साजरी*

✍️मुनिश्वर बोरकर गडचिरोली

   गडचिरोली:-श्री संत जीवनदास महाराज आभारे यांची 26 पुण्यतिथी व गुरुमाऊली पार्वताबाई जीवनदास महाराज  यांची १० वी पुण्यतिथी महोत्सव जीवनदास महाराज देवस्थान श्रीक्षेत्र मार्कंडादेव तालुका चामोर्शी जिल्हा गडचिरोली येथे विविध कार्यक्रमाने मोठ्या उत्साहात साजरा झाला.या निमित्ताने 16 फेब्रुवारी रोजी घटस्थापना करण्यात आली. त्यानंतर ह भ प आत्माराम महाराज मंगर ,  टिचुकले ताई टेकेपार, जीवनदास महाराज किनेकार, देवराव महाराज खाडीलकर, भेंडाळा ,आरमोरी महाराज यांच्या कीर्तनाचा कार्यक्रम संपन्न झाला. यवतमाळ जिल्ह्यातील उकणी या गावातील भजन मंडळी, जय पेरसापेन भजन मंडळ मार्कंडादेव, अखिल भारतीय गुरुदेव सेवा मंडळ उमरी, तिरमलनाथ गुरुदेव सेवा मंडळ हरंबा ,गुरुदेव सेवा मंडळ शंकरपूर सावरहेटी या भजन मंडळींनी आपापली भजने सादर करून संत जीवनदास महाराज यांच्या प्रती आपली श्रद्धा व भक्ती    अर्पण केली. १७ फेब्रुवारी रोजी श्रीसंत जीवनदास महाराज यांचा पालखी सोहळा दिंड्यांच्या गजरात मोठ्या उत्साहात संपन्न झाला यावेळी मलघडे परिवार नागपूर यांचे वतीने दहीहंडी व महाप्रसादाचा कार्यक्रम आयोजित करण्यात आला होता. या दोन दिवशीय कार्यक्रमाला विदर्भातील गडचिरोली, नागपूर, चंद्रपूर ,भंडारा, वर्धा, यवतमाळ जिल्ह्यातून भक्त परिवार मोठ्या संख्येने उपस्थित झाला होता.हा पुण्यतिथी सोहळा संपन्न करण्यासाठी संत जीवनदास महाराज ट्रस्टचे अध्यक्ष घनश्याम जीवनदास आभारे, उपाध्यक्ष विनोद खोबे ,सचिव गुणेश्वर आरीकर, कोषाध्यक्ष शेषराव येलेकर सहसचिव मधुकर मलगडे सदस्य जगन्नाथ गहूकर, प्रकाश आभारे, रत्नमाला आभारे कांताबाई बट्टे, आत्माराम मंगर, गोविंद वासेकर, कृषी आभारे,  धुडसे ,गजानन आभारे, सेवकराम बोरकुटे, प्रदीप नरड, प्रदीप चोपरकर, यांनी जातीने उपस्थित राहून पुण्यतिथी सोहळा यशस्वी केला यावेळी ट्रस्ट चे हिशोबनिस पद्माकर भुडे नागपूर ,दादाजी चुधरी सहित मार्कंडा परिसरातील सेवकगण मोठ्या संख्येने उपस्थित होते.