भाजपचा पराभव करण्यासाठी प्रतिभाताईला निवडून आणा, माकप चा ग्रामीण भागात झंझावात प्रचार.

वणी :  चंद्रपूर- वणी- आर्णी या लोकसभा मतदारसंघात माकप पक्षाच्या वतीने संपूर्ण देशभरात जनतेमध्ये जाऊन आगामी लोकसभा निवडणुकीत भाजपाचा पराभव करण्यासाठी प्रचार अभियान राबवित आहे.

चंद्रपूर-वणी-आर्णी लोकसभा मतदारसंघात पक्षाचे कार्यकर्ते तन, मन, धनाने, स्वखर्चाने सामील झाले आहेत. वणी तालुक्यातील अनेक गावांत जाऊन मेहनत घेत आहेत.

६ एप्रिल रोजी तालुक्यातील कायर व परसोडा येथे जाऊन त्यांनी बैठक घेतली.  मार्क्सवादी कम्युनिस्ट पक्षाचे जिल्हा सचिव कॉ. कुमार मोहरमपुरी, किसान सभेचे राज्य कार्यकारिणी सदस्य कॉ. ॲड. दिलीप परचाके, किसान सभा जिल्हा सदस्य कॉ. मनोज काळे, माकप जिल्हा कमिटी सदस्य कॉ. कवडू चांदेकर ह्यांनी मोहोरली, सुकणेगाव, कोरंबी( मारेगाव ) व विरकुंड येथे बैठका लावून जनतेला येत्या लोकसभा निवडणुकीत शेतकरी, शेतमजूर, कामगार, दलीत, आदिवासी, महिला, युवक व विद्यार्थी विरोधी धोरणे घेऊन कायदे करणाऱ्या भाजपला पराभव करण्याचे सुद्धा आवाहन ह्या निमित्ताने करण्यात आले आहे.

चंद्रपूर - वणी - आर्णी ह्या लोकसभा मतदार संघात भाजपचा उमेदवाराचा पाडाव करून इंडिया आघाडीच्या प्रतिभाताई धानोरकर यांना प्रचंड बहुमताने निवडून आणून देशात लोकशाही, संविधान व देश वाचवावे असे आवाहन मार्क्सवादी कम्युनिस्ट पक्ष जनतेला करत आहे.