भाजपचे उमेदवार सुधीर मुनगंटीवार यांचेवर गुन्हे दाखल करा, यवतमाळ जिल्हा महिला कॉंग्रेस अध्यक्षा संध्या बोबडे.

वणी:- बहिण भावाच्या पवित्र नात्याला कलंकित करणारे वादग्रस्त वक्तव्य करणाऱ्या चंद्रपूर- वणी-आर्णी लोकसभेचे भाजपचे उमेदवार सुधीर मुनगंटीवार यांच्या विरोधात यवतमाळ जिल्हा  महिला कॉंग्रेस अध्यक्षा संध्या बोबडे यांच्या नेतृत्वात  उपविभागीय अधिकारी वणी व उपविभागीय पोलिस अधिकारी वणी यांना निवेदन देण्यात आले.

निवेदनात नमूद केले आहे की, ८ एप्रिल रोजी चंद्रपूर येथील मोरवा येथे जाहीर प्रचार सभेत भाजपचे उमेदवार सुधीर मुनगंटीवार यांनी बहिण भावाच्या पवित्र नात्याला कलंकित करणारे घाणेरडे विधान केल्याने आमच्या भावना दुखावल्या आहेत, सार्वजनिक ठिकाणी असे घृणास्पद वक्तव्य करणे हि बाब सामाजिक स्वास्थ खराब करणारी व सामाजिक चारित्र्यावर काळीमा फासणारी आहे.

तसेच हि बाब फौजदारी स्वरुपाचा गुन्हा असल्याने त्यांचेवर भा.द.वि २९४ नुसार गुन्हा दाखल करण्यात यावा असे निवेदनात नमूद केले आहे.

यावेळी जिल्हा महिला अध्यक्षा संध्या बोबडे, वंदना आवारी,मंदा बांगरे, सविता रासेकर, विजयालक्ष्मी आगबत्तलवार, आशाताई टोंगे, किरणताई  देरकर, डॉ. महेंद्र लोढा अध्यक्ष वणी कॉं.कमीटी, विजय नगराळे राष्ट्रवादी सामाजिक न्याय विभाग जिल्हा अध्यक्ष,  जयसिंग गोहोकार, प्रमोद लोणारे, विकेश पानघाटे,यासह उबाठा सेना, राष्ट्रवादी शरद पवार गटाचे,व कॉंग्रेस पक्षाचे पदाधिकारी व कार्यकर्ते मोठ्या संख्येने उपस्थित होते.