अनुभविय...! पिढी घडवण्याचा 'प्रयास'... "सेवांकुर"

प्रयास सामाजिक संस्था अमरावती तर्फे "स्पार्क" शिबिराचे यशस्वी आयोजन

यवतमाळ: गेल्या बारा वर्षांपासून प्रयास सामाजिक संस्था अमरावती तर्फे "स्पार्क" शिबिराचे आयोजन करत आहे, यंदा तेरावे वर्ष. दरवर्षी तीन ते चार बॅचेस घेतल्या जातात. 21 एप्रिल ते 28 एप्रिल या कालावधीत पहिली बॅच घेण्यात आली. आत्ताच्या उन्हाळी शिबिराचा विचार केला तर काहीतरी हाय फाय डोळ्यासमोर येत, पण त्यातून काही शिकायला मिळतं का? मुलांमधल्या कलागुणांची क्षमतेची चिंगारी पेटवायचं, स्पार्क देण्याचं ‌ काम डॉ. अविनाश सावजी (M.B.B.S) स्वतः सातत्याने करत आहेत. या सात दिवसीय निवासी शिबिरात मुलं फोन आणि इलेक्ट्रॉनिक गॅझेट शिवाय असतात. दारोदारी पुस्तक विकणे फळ विकणे, रस्त्यावरील विक्रेत्यांच्या मुलाखती घेणे, या गोष्टीतून मुलांची कष्टाची परिभाषा बदलली. श्री प्रशांत पवार (समर्थ फाउंडेशन) यांनी मुलांना सात दिवस मित्रां सारखे वागवले आणि उत्तम असे मार्गदर्शन केले. डोंगरावर चढणं, झाडावर चढणं, पडून उठून परत चढणं यातून मुलं खूप काही शिकली. आयुष्याची चौकट मोडून अलीकडे विचार करायला लावणाऱ्या गोष्टी मुलं शिकली, डायरी लेखन, पुस्तक वाचन अशा अनेक गोष्टी करायला प्रेरित केले. वृद्धाश्रमात वृद्धांच्या सहवासात चार गोष्टी शिकायला मिळाल्या बिना तेलाचं, साखरेचे जेवण खाणं आणि बनवणं शिकले. डॉ. राजश्री मोहोड (सीईओ प्रयास अमरावती) यांनी देखील सात दिवस मुलांना प्रोत्साहन दिले व नवनवीन गोष्टी शिकवल्या. टीम वर्क, मेहनत अशा विविध गोष्टींची शिकवण मुलांना या शिबिरातून मिळते. डॉ. अविनाश सावजी(संस्थापक अध्यक्ष प्रयास संस्था, अमरावती) यांनी मुलांना सन 2044 च्या दृष्टिकोनाचे विचार करायला लावले, याने मुलांना कमी वयात आयुष्याची स्पष्टता आली. 2044 मध्ये मुलं काय बनतील त्यांचा आयुष्याचा गोल काय असेल हे त्यांनी ठरवून 2044 मध्ये आपली नेमप्लेट बनवली. पुढील बॅचेस 5 मे, 19 मे, 2 जून या तारखांना घेण्यात येतील. या शिबिराला महाराष्ट्राच्या सर्व कानाकोपऱ्यातून विद्यार्थ्यांचा प्रतिसाद असतो आणि आजवर डॉ. अविनाश सावजींच्या हाताखाली हजारो मुलं घडले आहेत असा वयक्तिक अनुभव एक शिबिरार्थी कु. याज्ञिका नेवे यवतमाळ यांनी सांगितला.