चंद्रपूर: काल दिनांक 8 एप्रिल 2024 रोज सोमवार ला चंद्रपूर येथील प्रचार सभेत भाऊ - बहिणीच्या पवित्र नात्याला कलंकित करणारे वादग्रस्त विधान करणाऱ्या चंद्रपूर-वणी-आर्णी लोकसभा क्षेत्राचे भाजप लोकसभा उमेदवार सुधीर मुनगंटीवार यांच्या विरोधात कॉग्रेस पक्षाने अतिशय आक्रमक भूमिका घेऊन मुंगटीवार यांची उमेदवारी रद्द करण्यात यावी अशी तक्रार निवडणूक आयोगाकडे दाखल करण्यात आल्याचे काँग्रेस प्रदेशाध्यक्ष मा नाना पटोले यांनी सांगितले. तसेच घुग्गूस शहर काँग्रेस तर्फे काँग्रेस अध्यक्ष राजुरेड्डी, ज्येष्ठ नेते जयंता जोगी,ज्येष्ठ नेते लक्ष्मण सादलावार,राष्ट्रवादी शरदचंद्र पवार नेते दिलीप पिटटलवार,आप नेते अमित बोरकर,ज्येष्ठ नेते बाबा कुरेशी,मुन्ना भाई लोहानी,तिरुपती महाकाली,महिला नेत्या यास्मिन सैय्यद,पदमा त्रिवेणी,दुर्गा पाटील,सुजाता सोनटक्के,संध्या मंडल,शिल्पा गोहिल यांच्या नेतृत्वाखाली पोलीस स्टेशनमध्ये ठिय्या आंदोलन करण्यात आले.
याप्रसंगी मोठ्या संख्येने काँग्रेस पदाधिकारी कार्यकर्ते उपस्थित होते. मुंगटीवार यांनी अतिशय घाणेरडे आणि अश्लील वक्तव्य करून स्वतःची प्रतिमा मलिन केल्याचे दिसून येते.सदर प्रचार सभेत देशाचे पंतप्रधान मा मोदी ,राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, केंद्रीय मंत्री रामदास आठवले आणि स्थानिक पदाधिकारी यांच्या उपस्थितीत मुनगंटीवार यांनी अश्लील वक्तव्य करून कांग्रेस ला दिवचण्याचे प्रयत्न केले. एकीकडे मुनगंटीवार हे स्वतःला विकास पुरुष म्हणून मिरवतात आणि दुसरीकडे मात्र असे असांस्कृतीक आणि अश्लील वक्तव्य करतात त्यामुळे मतदार कमालीचे नाराज झाल्याचे पहायला मिळत आहे.ज्या व्यक्तीची वैचारिक पातळी एवढी खाली घसरलेली आहे तो काय या मतदार संघाचं नेतृत्व करेल अशी टीका इंडिया आघाडीने केली आहे.संविधान आणि देश वाचविण्यासाठी,हुकूमशाही विरुद्ध लोकशाही ची लढाई लढण्यासाठी इंडिया आघाडीला मतदारांनी मतदान करावे असे आवाहन यावेळी विरोधकांनी केले.