*केंद्रातील मोदी सरकारने चालविलेल्या खाजगीकरणा विरुद्ध आवाज उठविला पाहिजे-- डॉ. नामदेव किरसान.*

*केंद्रातील मोदी सरकारने चालविलेल्या खाजगीकरणा विरुद्ध आवाज उठविला पाहिजे-- डॉ. नामदेव किरसान.*

  चंद्रपूर जिल्हा प्रतिनिधी

       ✍️दिनेश झाडे

   चंद्रपूर/नागभीड:--          दिनांक 8 जानेवारी 2023 रोजी तुकूम तालुका नागभीड जिल्हा चंद्रपूर येथे श्री गुरुदेव नाट्यकला मंडळ तुकूम यांच्या सौजन्याने राजसा रंगभूमी वडसा प्रस्तुत "कष्टाची शिदोरी" या नाट्यप्रयोगाच्या उद्घाटन प्रसंगी उद्घाटक म्हणून मार्गदर्शन करताना महाराष्ट्र प्रदेश काँग्रेस कमिटी महासचिव डॉ. नामदेव किरसान यांनी मोठ्या संख्येने उपस्थित प्रेक्षकांना उद्देशून संबोधित केले की, केंद्रातील मोदी सरकारने चालविलेल्या खाजगीकरण विरोधात आवाज उठवायला पाहिजे,परंतु तसे होतांना दिसून येत नाही. सार्वजनिक उपक्रमाच्या खाजगीकरणाविरुद्ध फक्त कर्मचारी तेवढे आंदोलन करतात व आपण बघ्याची भूमिका घेतो. परंतु गप्प बसून राहणं हे धोकादायक आहे. मोठ्या प्रमाणावर खाजगीकरणामुळे देशातील सर्व संसाधन खाजगी लोकांच्या हातात जाऊन  अर्थव्यवस्थेवर त्यांचे नियंत्रण राहील त्यामुळे सर्वसाधारण जनतेचे जीवन जगणं कठीण होऊन बसेल. सार्वजनिक उपक्रमात स्पर्धा परीक्षेच्या माध्यमातून भेदभाव न करता सर्वसाधारण व बहुजनांच्या मुला मुलींना नोकरी व  रोजगार मिळत होता, एससी एसटी ओबीसींना आरक्षण मिळत होतं  परंतु खाजगीकरणामुळे बहुजनांच्या नोकऱ्या संपुष्टात येतील व विशिष्ट लोकांची मक्तेदारी निर्माण होईल. खाजगीकरण हे अत्यंत घातक असल्याने त्याचा प्रकर्षाने विरोध करायला पाहिजे व त्याशिवाय पर्याय नसल्याचे त्यांनी  सांगितले  यावेळी सोबत मंचकावर माजी पंचायत समिती सदस्य विनोद नवघडे व उपसरपंच बोडदा दीपक पाटील ठाकरे उपस्थित होते.