*आक्सापूर येथील शेकडो भाजप कार्यकर्त्यांनी धरली काँग्रेसची वाट* *आमदार सुभाष धोटेंच्या हस्ते पक्षप्रवेश*

*आक्सापूर येथील शेकडो भाजप कार्यकर्त्यांनी धरली काँग्रेसची वाट*

*आमदार सुभाष धोटेंच्या हस्ते पक्षप्रवेश*

✍️दिनेश झाडे

चंद्रपूर जिल्हा प्रतिनिधी

गोंडपीपरी :-- आकसापूर येथील आदिवासी समाजातिल नागरिकांनी समाजभवनाची मागणी मागील काही वर्ष्यापूर्वी तत्कालीन भाजपा नेत्याकडे केली होती. १५ वर्ष्याचा कालावधी लोटला मात्र अजूनही आकसापुरात आदिवासी समाजाचे समाजभवन उभे राहिलेच नाही. त्यामुळे संतापलेल्या भाजपा कार्यकर्त्यांनी शेकडोच्या संख्येने काँग्रेस पक्षामध्ये प्रवेश केला. लोकप्रिय आमदार सुभाष धोटे यांच्या हस्ते सर्वांना काँग्रेस पक्षाचे दुपट्टे देऊन पक्षप्रवेश देण्यात आला. गोंडपीपरी तालुक्यातील आक्सापुर येथील गोपीनाथ मुंडे सभागृहात पक्षप्रवेश सोहळा पार पडला. यात शेकडो भाजपा कार्यकर्त्यानी राजुरा विधानसभा क्षेत्राचे आमदार सुभाष धोटे यांच्या कार्यप्रणालीवर विश्वास ठेवून काँग्रेस पक्षात प्रवेश केला. भाजपाची सत्ता असूनही मागणी पूर्ण होत नसल्याने आकसापुरातील आदिवासी समाजातील भाजपा कार्यकर्ते संतापले अन आमदार सुभाष धोटे यांच्या नेतृत्वावर विश्वास व्यक्त करीत महेंद्र कुनघाटकर यांच्या पुढाकाराने आदिवासी समाजाचे 'युवा कार्यकर्ते मयूर सोयाम यांच्या प्रमुख उपस्थितीत राजू शेडमाके, राजू टेकाम, मधुकर आत्राम, नितेश आत्राम, विजय टेकाम, मच्छिंद्र कुडमेथे, हंसराज सोयाम, सुंदराबाई आत्राम, निर्मलाबाई सिडाम, सविता सिडाम, रत्नमाला सोयाम, रंजना वरखडे, वर्षा पेंदोर, मीनाबाई कोडापे, मारोती कुंभरे, शोभा मडावी, मंगरू मडावी, विवेक सिडाम, अजय तलांडे, सुभाष पिपरे, धनराज पिपरे, अनिकेत बुरांडे, सोमनाथ पिपरे, विजय मडावी, परशुराम कुळसंगे, गणेश टेकाम यासह शेकडोंनी भाजपा सोडून कॉंग्रेसची साथ धरली.आमदार सुभाष धोटे यांनी कित्येक वर्षापासून प्रलंबित असलेली आदिवासी समाजासाठी समाजभवन बांधण्याचे आश्वसन दिले. या वेळी ग्रामसभेत प्रचंड मताधिक्याने निवडून आलेले रोजगार सेवक उमाजी मडावी यांचा आमदार धोटे यांनी सत्कार केला. आदिवासी समाजाचे युवा कार्यकर्ते मयूर सोयाम यांना तालुका उपाध्यक्ष युवक काँग्रेस पदावर नेमणूक करण्यात आली. तर अनिकेत बुरांडे यांचे गाव शाखा युवा अध्यक्ष म्हणून निवड करण्यात आली.कार्यक्रमाचे संचालन अनिकेत बुरांडे यांनी केले तर प्रास्ताविक महेंद्र कुंनघाडकर यांनी केले. यावेळी काँग्रेसचे जिल्हा उपाध्यक्ष देवेंद्र बट्टे, तालुकाध्यक्ष तुकाराम झाडे, कार्याध्यक्ष निलेश संगमवार, महिला काँग्रेस अध्यक्ष सोनी दिवसे, शहर काँग्रेसचे अध्यक्ष राजू झाडे, संतोष बंडावर, युवक काँग्रेसचे अध्यक्ष विपीन पेदूलवार, अशोक रेचनकर देविदास सातपुते, सिंनु कंदनुरीवार यासह गोंडपीपरी काँग्रेसचे काँग्रेस पदाधिकारी, कार्यकर्ते आणि स्थानिक नागरिक मोठ्या संख्येने उपस्थित होते.