शेतकऱ्यांच्या शेतीला दिवसा थ्री फेज वीजपुरवठा द्या. वरोरा कृषी उत्पन्न बाजार समिती पदाधिकारी यांची मागणी.

शेतकऱ्यांच्या शेतीला दिवसा थ्री फेज वीजपुरवठा द्या.

वरोरा कृषी उत्पन्न बाजार समिती पदाधिकारी यांची मागणी.

✍️ रिपोर्टर : तालुका प्रतिनिधी :  राजेश येसेकर मो ७७५६९६३५१२

वरोरा : सध्या शेतकऱ्यांचा रबी पिकांचा हंगाम सुरू झाला आहे. हरबरा आणि गव्हाची पेरणी सुरू झाली आहे. याकरिता शेतकऱ्यांना दिवसा थ्री फेज पुरवठा करा. अशी मागणी  कृषी उत्पन्न बाजार समिती वरोरा येथील पदाधिकाऱ्यांनी केली आहे.तालुक्यात येलो मोझॅक  या रोगाने सोयाबीनचे मोठ्या प्रमाणात नुकसान झाले. कापसाचेही उत्पन्न पाहिजे त्या प्रमाणात न झाल्याने बळिराजा मोठ्या आर्थिक अडचणीत आलेला आहे. सध्या रब्बी पिकांचा हंगाम सुरू असुन शेतकऱ्यांना रात्री थ्री फेज वीजपुरवठा मिळतो पण रात्रीच्यावेळी वनप्राण्यांमुळे जिवाला धोका निर्माण झाला आहे. हा वीजपुरवठा आठवडाभर दिवसा मिळावा.याकरिता कृषी उत्पन्न बाजार समितीने वितरण कंपनीचे कार्यकारी अभियंता नवघरे यांना निवेदन दिले. या मागणीची पुर्तता न झाल्यास उपोषण करु असा इशारा निवेदनकर्त्यांनी दिला आहे. यावेळी निवेदन देताना कृषी उत्पन्न बाजार समितीचे सभापती डॉ विजय देवतळे, उपसभापती जयंत टेमुर्डे, संचालक बाळु भोयर, सुखदेव उरकांदे, नागेश्वर निंबाळकर, राजेंद्र लडके,अमृत नक्षिणे उपस्थित होते.