*शिवसेना (उध्दव बाळासाहेब ठाकरे) पक्षाव्दारे हळदी-कुंकवाचा अनोखा उपक्रम* *बरोज मो. येथे महिलांच्या आंदोलन मंडपातच हळदी-कुंक कार्यक्रम घेत उपोषणाला पाठींबा*

*शिवसेना (उध्दव बाळासाहेब ठाकरे) पक्षाव्दारे हळदी-कुंकवाचा अनोखा उपक्रम*

*बरोज मो. येथे महिलांच्या आंदोलन मंडपातच हळदी-कुंक कार्यक्रम घेत उपोषणाला पाठींबा*

✍️दिनेश झाडे

चंद्रपूर जिल्हा प्रतिनिधी

भद्रावती:-तालुक्यातील बरांज मो. येथे कनार्टक एम्टा कोल माईन्स कोळसा खाणी विरोधात आपल्या मागण्या घेवून पुनर्वसन प्रकल्पग्रस्त महिला संघटनाव्दारे उपोषणाला बसलेल्या महिलांसोबतच उपोषण मंडपातच शिवसेना (उध्दव बाळासाहेब ठाकरे) वरोरा-भद्रावती विधानसभा महिला आघाडी यांनी  उपोषणकर्त्या महिलांना हळद-कुंकु व वाण वाटप करुन एकप्रकारे उपोषणाला पाठींबा देत अनोखा उपक्रम राबवीला.बरांज मो. येथे पुनर्वसन प्रकल्पग्रस्त महिला संघटनाच्या महिला मागील दोन महिण्यापासुन आपल्या मागण्याकरीता कर्नाटक एम्टा कोल माईन्स विरोधात आमरण उपोषण करीत आहेत. या उपोषणाला शिवसेना (उध्दव बाळासाहेब ठाकरे) 75-वरोरा-भद्रावती विधानसभा प्रमुख रविंद्र शिंदे तसेच भद्रावती तालुका प्रमुख नरेन्द्र पढाल यांच्या नेतृत्वात उपोषणाला पाठींबा जाहीर केलेला असून पाठपुराव सुरु आहे. तसे निवेदनसुध्दा जिल्हाधिकारी, तहसीलदार, खाण प्रबंधक यांना दिले असून मागण्याची दखल घेत समस्या न सोडविल्यास खाण बंद शिवसेना स्टाईलने आंदोलन करण्याचा ईशारा सुध्दा देण्यात आलेला आहे.कोंढा-घोडपेठ जिल्हा परीषद क्षेत्रातील भद्रावती तालुक्यातील बरांज मो. येथे पुनर्वसन प्रकल्पग्रस्त महिला संघटनाव्दारे उपोषणाला बसलेल्या उपोषणकर्त्या महिलांना शिवसेना (उध्दव बाळासाहेब ठाकरे) चंद्रपूर जिल्हा महिला संघटीक नर्मदा बोरेकर, भद्रावती तालुका प्रमुख नरेन्द्र पढाल तसेच वरोरा-भद्रावती विधानसभा महिला आघाडी पदाधिकारी व कार्यकर्ते यांनी भेट देवून चर्चा केली व यांच्या उपोषणाला पाठींबा जाहीर करीत उपोषणकर्त्या महिलासोबत काल (दि 7) ला उपोषण स्थळी मंडपाच हळद-कुंकु व वाण वाटपाचा कार्यक्रम राबवीण्यात आला.

याप्रसंगी हळद-कुंकु, वाण वाटप कार्यक्रमाचे प्रास्ताविक तालुका प्रमुख नरेन्द्र पढाल यांनी केले व युवतीसेना अधिकारी प्रतिभा मांडवकर यांनी  संचालन केले तसेच आभार प्रदर्शन जिल्हा संघटीका नर्मदा बोरेकर यांनी केले. याप्रसंगी शिवसेना (उध्दव बाळासाहेब ठाकरे) वरोरा-भद्रावती विधानसभा क्षेत्रातील शिवसेना पदाधिकारी शिवसैनिक, महिला आघाडी तसेच युवतीसेना पदाधिकारी व शिवसैनिक मोठया संख्येन उपस्थित होते.