*सीडीसी बैंकेचे माजी अध्यक्ष मनोहर पाऊणकार सह किशोर टोंगे यांचा भाजपात प्रवेश*

*सीडीसी बैंकेचे माजी अध्यक्ष मनोहर पाऊणकार सह किशोर टोंगे यांचा भाजपात प्रवेश*

✍️दिनेश झाडे

चंद्रपूर जिल्हा प्रतिनिधी

चंद्रपूर :-चंद्रपूर वणी आर्णी लोकसभा निवडणुकीत आता रंगत आली असतांना काही राजकीय नेते आपली भूमिका बदलावताना दिसत आहे, त्यातच भाजपा उमेदवार तथा पालकमंत्री सुधीर मुनगंटीवार यांच्यावर विश्वास ठेऊन चंद्रपूर वणी आर्णीतील अनेक राजकीय नेत्यांचा भाजपमध्ये प्रवेश होतांना दिसत आहे. स्वकीय असो वा विरोधक हे जर सुधीर मुनगंटीवार यांच्याकडे कामानिमित्याने आले तर त्यांचे काम ते नक्की करतात, हा अनुभव कदाचित सर्वाना आला असावा व त्यांचा स्वभाव सर्वाना परिचित झाला असल्याने भाजप नेते नितीन गडकरी यांच्याप्रमाणे सुधीर मुनगंटीवार यांच्याकडे सुद्धा अनेक राजकीय पक्षाचे नेते पक्ष प्रवेश करत आहे, त्यात आता चंद्रपूर जिल्हा मध्यवर्ती सहकारी बैंकेचे माजी अध्यक्ष मनोहर पाऊणकार यांनी भाजप मध्ये पक्ष प्रवेश घेतल्याने भाजप उमेदवार सुधीर मुनगंटीवार यांची ताकत वाढली आहे.अगोदरच कांग्रेसचे माजी जिल्हाध्यक्ष प्रकाश देवतळे यांनी भाजप मध्ये प्रवेश घेतल्याने राजकीय वातावरण तापले असतांना आता मनोहर पाऊणकार यांच्या भाजप प्रवेशाने भाजप मोठे धमाके करतांना दिसत आहे, दरम्यान वरोरा भद्रावती विधानसभा क्षेत्रात संभावित उमेदवार असलेले सामाजिक कार्यकर्ते किशोर टोंगे यांनी आपल्या समर्थकासह काल भाजप मध्ये प्रवेश केला होता.