उत्सव माझ्या राजाचा, श्रावस्ती संतोष कौतीक्करचे दमदार भाषण.

छत्रपती शिवाजी महाराज यांच्या जयंतीनिमित्त श्रीक्षेत्र वाघामाता मंदिर परतवाडा येथे छत्रपती शिवाजी महाराज जयंतीचा कार्यक्रम मोठ्या उत्साहाने दि.22 मार्च सोमवार रोजी पार पडला.
या जयंती महोत्सवामध्ये चौदा वर्षाच्या आतील मुले व मुलींसाठी वक्रुत्व स्पर्धेचे  आयोजन करण्यात आले होते. राजमाता जिजाऊ व छत्रपती शिवाजी महाराज यांच्या वेशभूषेमध्ये चिमुकल्यांनी महाराजांच्या जीवनातील वेगवेगळ्या प्रसंगावर भाषण दिले.

सावळी दातुरा येथील सावित्रीबाई फुले व राजमाता जिजाऊ व रमाईची लेक श्रावस्ती संतोष कौतीक्कर हिने राजमाता जिजाऊ च्या वेशभूषेमध्ये छत्रपती शिवाजी महाराज यांच्या जीवनावर आधारित प्रसंगावर भाषण दिले.छत्रपती शिवाजी महाराज यांचे स्वराज म्हणजे  खरे रयतेचे राज्य होते. महाराजांच्या राज्यामध्ये हिंदू मुस्लिम असा भेदभाव नव्हता. स्वराज्यात प्रत्येक महिला हि सुरक्षित होती. प्रत्येक स्त्रीला महाराज आपल्या आई बहिणी समान मानत असायचे.जर कोणी महिलांचा अपमान केला तर महाराज त्याला कठोर शिक्षा देत असत. महाराजांच्या राज्यात रयत फार सुखी व समाधानि होती. अशा प्रभावशाली शैलीत श्रावस्ती कौतीक्कर हिने महाराजांविषयी आपले मत मांडले व उपस्थित मान्यवरांचे आणि श्रोत्यांचे मने जिंकली.
 मान्यवरांच्या हस्ते श्रावस्ती संतोष कौतीक्करचे सन्मानचिन्ह व प्रशस्तिपत्र देऊन गौरव करण्यात आला.